Tshiṱori nga Kaizer Nengovhela. Ṱhalutshedzo nga Khathutshelo Raliphaswa.
Tshikolo tsha Nṱha tsha Secondary ya Maneledzi tshi ḓo imela Vhembe kha thonamennde ya bola ya milenzhe ya Kay Motsepe U/19 ya vundu, ine ya ḓo vha hone Polokwane nga Mugivhela wa ḽa 10 Ṱhangule.
Maneledzi vho vha vha tshi khou kheruwa vhahali cha Vhembe nga mugivhela nga murahu ha u kunda Tshiitwa High kha mutambo wa makhaulatshele wo tambiwaho ngei Eltivillas Grounds, ḓoroboni ya Louis Trichardt. Zwino vha ḓo sedzana na vhakundi vha bvaho kha maṅwe madzingu maṋa a vunḓu.
Mugudisi muhulwane wa Maneledzi High, Vho Patrick "Mufu" Nageli, vho amba uri tshikolo tsho vha tshi tshi khou shela mulenzhe kha muṱaṱisano u bva tshe tsha thoma nahone hezwi zwi ḓo vha u bvelela havho ha vhuṋa kha mutambo wa u fhedzisela wa vunḓu. "Vhatukana vho takala vhukuma nga u swika kha makhala tshele. Ndi a fulufhela uri vha ḓo fhedzisela vho wana mvelelo dzavhuḓi."
O amba uri vhatambi vho vha vho takala u swika kha makhala tshele. "Vha amba sa vhunga vho no kunda. Zwi sumbedza vhuimo ha u ḓikumedzela havho."
Vho Nageli vhari thimu yo wana thikhedzo khulwane vhukuma u bva kha tshikolo, murangaphanḓa wa mvelele wapo, ṱhoho ya tshikolo, vhadededzi na miraḓo ya tshitshavha. "U sokou swika kha makhaulatshele dza vunḓu ḽa vunḓu zwo ita phambano kha vhatukana malugana na u ḓifulufhela na u ṱuṱuwedza."
Vho amba uri ndivho yavho ndi u shumisa thonamente sa tombo ḽa u dzhia vhukando kha vhuṱaṱisani ha lushaka. "Nga nnḓa ha uri hu na zwinzhi zwine zwa khou ṱoḓea kha muṱaṱisano, ndi tshifhinga tsha uri ri ḓadzise mafulufhedziso ashu. Ro fulufhedzisa vhafuni na vhadzulapo vhoṱhe vha Vhembe uri ri khou ṱoḓa u vhuisa zwiṅwe zwithu zwa siliva hayani."