Tshiṱori nga Kaizer Nengovhela. Ṱhalutshedzo nga Khathutshelo Raliphaswa.
Thimu yabola ya milinzhe ya tshikolo tsha nṱha tsha Tshikota vho takadza dzingu kana muvhundu wavho ngau swikelela kha tharu dzakhinesa kha muṱaṱisano wa Kay Motsepe wa vha fhasi ha minwaha ya fumi-ṱahe (U/19). Thimu iyi vhovha vhe tsini nau bviswa kha makhaulatshele fhedzi vha pfufha nga masheleni a paḓaho R600,000 e vha a ṋewa uri vha shumisa kha tshikolo tshavho.
Vhatambi vha thimu iyi ya Tshikota High vhovha vha tshi khou tamba nga nḓila ine ya takadza kha mbambe iyi ubva tshe ya thoma. Iyi ndi mbambe ye ya farelwa Bergsig Akademie fhaḽa Rustenburg ubva nga ḽa fumbili-iṋa u swika la fumbili-malo Khubvumedzi. Mutambo wavho wau thoma hovha wa Lavhuvhili he vha tamba na thimu ya Mningi ine ya wanala KwaZulu-Natal, afho vho ḓou fhenya nga zwiko ro Zwiraru kha pumu. Nga mathabama a ḓuvha iḽo, vho ḓou tamba na vha thimu ya Jojo Secondary vhane vha bva kha vunḓu ḽa Eastern Cape vha fhenya nga 3-1.
Nga Lavhuraru, vho ḓou imedzana na thimu ya St Marks vhane vha bva Mpumalanga. Vhori vha tshi swika mafheloni a mutambo vha wana vho kora zwiko ro zwine zwa lingana hu tshithihi nga ngei na tshithihi nga ngei, he mutambo wa ḓou kombetshedza uri huvhe na thaho dza dzisathithiswi. Thimu ya Tshikota High vho ḓou fhenya nga 4-3, zwe vha ḓou wela nna dzakhwinisa a mitambo.
Mashudu mavhi zwithu a zwingo tshimbila zwavhuḓi kha sia ḽa vha tshiṱiriki tsha Vhembe musi vho ḓou fhenyiwa nga tshikoro tshithihi vhone vha songo kora musi vha tshi khou tamba na vha thimu ya Eletsa High vha bvaho kha vunḓu ḽa Northwest. Mugudisi vha thimu ya Tshikota, Vho Justice Matloga, vho amba zwauri vha tenda uri ngavhe thimu yavho i fhenye. "Ro lozwa zwikhala zwa khwiṋe," vha amba, vha engedza zwauri vho tou xetshelwa nga u Lavhelesani zwihulu na mutambo wavho, zwe zwa ṋea vha iṅwe thimu tshikhala tsha u kora zwavhuḓi.
Naho vho ṱangana na zwikhukhulisi, Vho Matloga vhari vha ḓi rwa khana nga zwe thimu yavho ya shumisa zwone. Thimu ya Tshikota vho tamba na thimu ya Shayamoya High in ya bva kha vunḓu ḽa KwaZulu-Natal vha wana mendele wa bronze. Mutambo wo ḓou fhela hu songo koriwa vha ya kha dzi penalty, he Tshikota vha fhenya nga 4-3.
Mbambe iyi ya Kay Motsepe ndi munwe wa miṱaṱisano mihulwane ya vhagudiswa kana zwikolo u mona na shango ḽashu, hune ha ṱangana zwikolo zwi paḓaho 13,000 uri vha ṱaṱisane kha mitambo yau fhambana. Muṱaṱisano u lambedzwa nga zwiimiswa u fana na vha Sanlam, vha farisana na Motsepe Foundation. Mbambe iyi i dovha hafhu ya ṋea vhatambi vhaṱuku zwikhala zwau nangiwa nga vhagudisi na dzi thimu khulwane dza vhatambi makone u mona na shango.
Mulanguli wa sekhetheya Soutpansberg East, Vho Falaza Baloyi, vho dalela tshikolo itshi nga Lavhuvhili ḽau thoma Tshimedzi, uri vhavha fhululedza. Vho amba zwauri mutambo ndi wa ndeme kha vhathu vhaṱuku. "Hezwi zwi vha ṋea tshikhala tsha uri vha ṱutshele kule na u dzulela zwiṱaraṱani," vha amba. Vho amba zwauri mitambo i ṋea mivhundu zwikhala zwa khwine, zwihulu vhana vha mivhundu iyo. "Mitambo yavhuḓi i thusa vhana lune inga shumiswa na zwikoloni musi vha tshi guda. Zwi dovha hafhu zwa funza vhana uri vha ṱuṱulee mihumbulo," vha engedza.