Tshiṱori nga: Victor Mukwevho. Ṱhalutshedzo nga: Khathutshelo Raliphaswa.
Vha Polokwane Wolves vho kunda kha mutambo wa vunḓu wa bola ya zwanḓa ya vhaholefhali vhane vha shumisa zwidulo zwa malinga, vho fhenya vha Vhembe 12 Eagles zwikoro zwa fumiina kha gumba kha mutambo we wa tambwa nga Mugivhela, fuṱhanu Lambamai ngei Ṱhohoyanḓou Indoor Sports Centre.
U kora luvhili ha thimu ya Wolves hu saathu fhela minete ya rathi mutambo wo thoma, zwo touvha tsumbo uri a vhaho kha tshikhala tshithihi na thimu ine vha khou ṱaṱisana nayo, vho rangwa phanḓa nga mukaputeni wavho, Betuel Sekgwele.
Vhatambi vha bvaho kule vho sumbedza u kona u langula zwishumiswa zwavho fhedzi vhunzhi ha vhatambi vha Ṱhohoyanḓou vho ṱangana na dzi khaedu khau languwa zwidulo zwavho zwa malinga.
Hulisani Sivhaga, wa thimu ya Eagles ovha mutambi wa ḓuvha. O sumbedza u tamba oḓi imisela thungo dzoṱhe, fhedzi Ondwela na Bethuel Munyamela vho balelwa khau lingedza u kora.
Thimu ya vhafumakadzi ya Wolves ya Bulugwane yo fhenya thimu ya Rhino kha sia lavho, vha tshi kora zwikoro zwa fumi kha zwa gumba.
Bethuel Sekgwele uri thimu idzi dzoṱhe, ya vhanna na ya vhafumakadzi ndi khulwane. "Ariho kha ḽigi nthihi navho, fhedzi vhone vha na vhatambi vhare na vhukoni vhane vha nga tamba hoṱhe u mona na ḽifhasi; vha tou fanela u ḓi nea tshifhinga tsha u guda na dzi nḓowe-nḓowe," vha amba.
Nga murahu ha mbambe, thimu ya bola ya zwanḓa ya vunḓu ine ya ḓo imelela vunḓu la Limpopo kha mbambe ya Superbets ngei Mandeville, ḓoroboni ngei Gauteng, yo mboḓi buliwa. Vho-Vhumbani Innocent Masakona vho nangiwa sa khoutshu ya vunḓu ya vhanna, ngeno Vho-Lehlohonolo Rakgoale vho nangiwa sa khoutshu ya vunḓu ya vhafumakadzi.