Tshiṱori nga Maanda Bele. Ṱhalutshedzo nga Khathutshelo Raliphaswa.
Tsengo ya bulayo ya muṱuṱuwedzi wa zwileludzi zwa vhudavhidzani Livhuwani Madadzhe, ine ya divhea nga vhathu vhanzhi sa SABC Livhu, yo poswa kha u sa dzudzanyea nga murahu ha uri muhaṱuli kha tsengo Vho Thogomelani Tshidada, vho di humisela murahu kha tsengo iyi nga Lavhuna, ḽa malo (8) Shundunthule.
Zwino tsengo i ḓo tea u thoma hafhu phanḓa ha muhaṱuli muswa, na maitele ane a khou lavhelelwa u thoma hafhu nga ḽa 21 Fulwana nanwaha kha Khothe Khulwane ya Ṱhohoyanḓou.
Tshigwada tsha vhaimeleli vha Madadzhe tsho thoma khumbelo ya u ḓidzudzanya nga ḽa 5 Shundunthule, vha tshigwa uri pfanelo ya ndayotewa ya muhwelelwa wavho ya u lingedza nga nḓila yo teaho - hu tshi katelwa na pfanelo ya u dzhiiwa sa muthu a si na mulandu na u fhumula - yo vha yo ḓitika.
U bva ha muhaṱuli ho ḓa nga murahu ha maḓuvha a si gathi musi vh no bvisela khagala zwidodombedzwa zwa nyambedzano yavho khazwavhudavhidzani vhukati ha Vho Madadzhe na dokotela. Hu pfi Vho Madadzhe vho vha vho no lingedza u wana ḽiṅwalo ḽa u vhaisala ḽa mazwifhi lovha ḽi tshi ḓo vha tendela u iledza u ṋea vhuṱanzi na u lenga u thetsheleswa. Dokotela vho ḓivhadza muhaṱuli nga ha khumbelo ya ḽiṅwalo ḽeneḽo.
Vhaimeleli vho dzhia zwenezwi zwidodombedzwa, vha kombetshedza uri muhaṱuli vha ḓi bvise nga ṅwambo wa khuḓano ine ya dzhiiwa i ya dzangalelo kana u dzhia sia.
U ya nga ṱhoho dza khanedzano dza vhaimeleli, u kundelwa u bvisela khagala vhushaka ha muthu nga eṱhe kana ha zwa mabindu na mushumi wa zwa ngalafho, nga nḓila dzoṱhe, zwi ḓo ṱuṱuwedza mvelelo dza mulandu. Mabammbiri a khothe a amba uri dokotela we a ḓivhadza muhaṱuli nga ha khumbelo ya ḽiṅwalo ya u lwala o vha a tshi ḓivha Madadzhe lwa miṅwaha i fhiraho sumbe nahone vhovha vha tshi khou shumisana na muhaṱuli Vho Tshidada kha zwa mabindu.
Vhuimeleli ho amba uri nyimele iyi yo sika nyofho ya u dzhia sia ha muhaṱuli, nahone nga fhasi ha mulayo wa Afrika Tshipembe, na mbonalo ya u dzhia sia yo eḓana u itela u bvisa muhaṱuli. "Mbudziso," ṱhoho dza khanedzano dzo amba uri, "ndi arali muthu a pfalaho, a re na ndivho na a re na nḓivho a nga, kha mafhungo o teaho, a pfesesa uri muhaṱuli ha nga ḓisi muhumbulo u sa dzhii sia u itela u hwala khaṱulo."
Naho muhaṱuli vhovha vho kombetshedza kale ushandukisa ha zwavhudavhidzani a hu nga ḓo ṱanganedzwa sa vhuṱanzi, vho zwi amba kha khothe yo vuleaho, zwine zwa bveledza mbudziso nga ha u fulufhedzea ha Madadzhe. Hezwi, vhaimeleli vho amba uri, zwo sumbedza uri muhaṱuli vho no ḓi dzhia tsheo kana khaṱhululo nga ha muhwelelwa Vho Madadzhe.
Nga nnḓa ha u dovha hafhu, vhaimeleli vho ita khumbelo ya u ṋetshedza afidavithi ya u engedza, thendelo ya u ṋea dokotela ane a khou shela mulenzhe, na ndaela ine ya kombetshedza dokotela uri a ṋee vhuṱanzi a tshi tikedza khumbelo ya u vhuyelela.
Vhaimeleli vha mulayo vha Madadzhe vho humbela uri tsengo ya u vhulaha i thome nga huswa. Vhuṱanzi hoṱhe vhu ḓo tea u livhiswa hafhu, nahone mulandu wo thetsheleswa nga muhaṱuli muswa.
Musi vha sa athu u ḓi ruḽa kha tsengo iyi, Muhaṱuli Vho Tshidada vho zwi bvisela khagala uri milandu ye Madadzhe a vha o no ḓi tenda uri o vha e na mulandu khayo - vhufhura na u rwa nga ndivho ya u vhanga khombo ya muvhili i ṱungufhadzaho - yo vha i tshi ḓo dzula i hone musi tsengo i tshi thoma nga huswa.
Vho Madadzhe vha khou ima vho pomokwa u vhulawa ha 2023 ha mufarisi wavho, Vho Lindelani Nengovhela, vhe tshitumbu tshavho tsha waniwa kha bunga ḽa dindini ḽe ḽavha ḽo ḓala maḓi muḓini wavho Hasidou-Mangodi nnḓa nyana ha ḓorobo ya Ṱhohoyanḓou.