Tshiṱori nga Maanda Bele. Ṱhalutshedzo nga Khathutshelo Raliphaswa.
Zwe zwa thoma sa tshifhinga tsha u vha na vhushayatsireledzo nga tshifhinga tsha vhulwadze zwo bvelela zwa vha lwendo lwa maanḓa lwa u anetshela mafhungo kha Gladys Rakhadani. Muṅwali wa miṅwaha ya 41 ane a khou ṱoḓa u vha muṅwali a bvaho muḓini wa Mafukani zwenezwino o gandisa nganea yawe ya u thoma ya Tshivenḓa, Lwendo lwa Vhutshilo (Lwendo lwa Vhutshilo).
Vho Rakhadani vhari muhumbulo wo ṱavhiwa murahu nga 2004, musi vha tshi lwala vhukuma. "Ndo vha ndi tshi ṱoḓa u ṅwala nga ha zwoṱhe zwe zwa vha zwi tshi khou itea kha nṋe, fhedzi ndo vha ndi sa koni u vhuyelela murahu nga tshenetsho tshifhinga," vha a humbula. Muhumbulo wo vha wo dzula lwa miṅwaha minzhi, u swika nga holodei dza Nyendavhusiku nga 2019. Nga Ṱhangule 2020, o vha o no fheleledza o thoma u ṅwala zwe zwa vha zwi tshi ḓo vha bugu yawe ya u thoma.
Vho alutshela Mafukani, he vha dzhena tshikolo tsha phuraimari tsha Mafukani na tsha sekondari tsha Matavhela, Vho Rakhadani vha ri vho vha vha sa humbuli uri vha ḓo vha muṅwali. "Musi ndi tshi khou aluwa, a tho ngo vhuya nda vhona zwiga zwine zwa sumbedza u ṅwala. Zwo thoma u vhonala nga 2004 fhedzi," vha ralo.
Lwendo lwa Vhutshilo i tevhela vhutshilo ha musidzana ane a pfi Blessing, we a bebelwa vhushaini ahulela khaho. Khotsi awe ndi mualuwa vhatshilaho nga tshelede ya mundende nahone ndi mushumi wa tshifhinganyana ane a ḓishuma. Blessing o lwa na tshikolo nahone a fheleledza o fhedza maṱiriki, naho o vha e na zwithithisi zwinzhi. Samusi a si na nḓila ya u bvela phanḓa na pfunzo, o vha a tshi bva mushumoni a tshi ya kha muṅwe, a tshi sedzana na khaedu dzi sa fheli mushumoni na kha vhushaka. Musi a tshi tou tenda uri o wana lufuno na u dzika mbinganoni, ho mbo ḓi bvelela vhuṅwe vhuleme — nndwa ya u vhifha muvhilini. Lutendo lwa vhavhingani lu sa dzinginyei lwo vha vhona vha tshi ya kerekeni dzo fhamba-fhambanaho vha tshi ṱoḓa vhuṱolo, nahone mafheleloni, thabelo dzavho dzo fhindulwa.
"Bugu iyi i amba nga ha u konḓelela na lutendo. I amba nga ha nḓila ine lwendo lwa vhutshilo, naho lwa konḓa hani, lwa vha na ndivho ngayo," hu amba Rakhadani.
Zwino ngauri nganea yawe ya u thoma yo no gandiswa, u khou vhea zwipikwa zwihulwane. "Ndi ṱoḓa u ṅwala bugu nnzhi — zwihuluhulu dzine dza nga vhaliwa zwikoloni," u ralo. "Zwine nda zwi swikelela zwihulwane ndi u ḓivhona ndi tshi fhedzisela ndo gandisa tshiṱori itshi tshe tsha vha tshi nga ngomu hanga lwa miṅwaha."