Tshiṱori nga Maanda Bele. Ṱhalutshedzo nga Khathutshelo Raliphaswa
Tshifhiwa Mukwevho, mulanguli muhulwane wa Vhakololo Press ane avha miandadzo wadzi budzi bugi one ya wanala doroboni Louis Trichardt, o huliswa nga Pfufho ya Muganḓisi wa Nṱhesa nga tshifhinga tsha Pfufho dza Vhutsila na Mvelele dza Lushaka dza Muhasho wa Mitambo, Vhutsila na Mvelele.
Vhuṱambo vhu re na bvumo ho vha hone ngei Sun City Resort vunḓuni ḽa North West mafheloni a vhege o fhiraho.
Mukwevho, o ḓala dakalo, o sumbedza u livhuwa tshigwada tshoṱhe tsha Vhakololo Press, hu tshi katelwa vhaṅwali, vhadzudzanyi, vhaṱoli vha maṅwalwa, vhabveledzi vha bugu, na muṅwe na muṅwe o dzhenelelaho kha u bveledza khanḓiso dzavho dzi ṱhonifheaho dza maṅwalwa.
O amba ari: "Ndi shaya maipfi a u sumbedza dakalo ḽanga na u takala hanga nga kha pfufho iyi."
U bva tshe a thoma Vhakololo Press nga 2015, Mukwevho o ganḓisa vhaṅwali vha fhiraho 155 na madzina a 230 kha tshaka dzo fhambanaho. Vhaṅwali vhawe vho wina pfufho dza maṅwalwa dza sumbe kha vhuimo ha lushaka.
Mukwevho o hulisa vhahuweleli vhanzhi vhaṱuku, vho ḓiimisaho nga vhoṱhe vhe vha vula nḓila ya murafho muswa wa vhahuweleli vha indie. O bula vhaganḓisi vha ngaho Vonani Bila (mushumo wa Vhurendi ha Timbila), mufu Gus Ferguson (Snailpress), Allan Kolski Horwitz (Botsotso), na Robert Berold (Deep Devhula) sa ṱhuṱhuwedzo. O amba hafhu ari: "Havha vhane vha pakiwa badani ndi vhahuweleli vhe roṱhe vha ri tendela u nwa ṱhuṱhuwedzo kha khaphu dzavho."
Lwendo lwa bugu dza u andadza, u ya nga Mukwevho, ndi "vhane vha vha na maanḓa fhedzi. Hu sa londwi khaedu nnzhi, u funa hawe khanḓiso zwi mu ita uri a bvele phanḓa. U bvelela hawe zwi shuma sa ṱhuṱhuwedzo kha vhaṅwali vhane vha khou bvelela, vhaṅwali, na vhaganḓisi kha vundu.
"Ndi tama u livhuwa Khoro ya Vhutsila ya Lushaka, Muhasho wa Mitambo, Vhutsila na Mvelele, na Dzangano ḽa Vhaṅwali vha Akhademiki na Vhane vha sa vhe vha Akhademi vha Afrika Tshipembe (ANFASA) kha thikhedzo yavho i bvelaho phanḓa, zwe zwa ita uri ndi kone u gandisa dziṅwe dza khanḓiso dzashu dzi sa shumiho," ho amba Mukwevho.