Tshiṱori na ṱhalutshedzo nga: Khathutshelo Raliphaswa.
Sa izwi ṱhahelelo ya mishumo kha vhaswa i kha phesenthe dza 63.9%, vha tshigwada tsha Shoprite vha khou ita khuwelelo kha vhaswa vha sa shumi nau shaya zwikili uri vha ḓi ṅwalise kha phurogireme ya tshipentshele.
Phurogireme iyi i sedzesa khau ṋea vhaswa vhasa shumi zwikhala zwau wana mishumo nau gudiswa. Nga kha phurogireme iyo ya Retail Readiness, vho lambedza masheleni a swikaho miliyoni dza ḓaṱhanu-fumalorathi ya dzi rannda kha vhaswa vha swikaho zwigidi zwa furaru-mbili ubva nga ṅwaha wa gidimbili fumi rathi. Phurogireme iyi ndi ya vhege dza sumbe, hone vhaswa vha ṋewa ndalukanyo ya NQF-level 3 nga murahu hau fhedza iyo phurogireme.
Ubva ṅwaha wa gidimbili fumi malo, mushumo ya YES vho no sika zwikhala zwa mishumo zwi swikaho gidisumbe ḓararu-fumalosumbe. Vhagudiswa vha ṋewa zwikhala zwa u gudiswa vhe mushumoni kha mabuḓo na mihasho yo fhambanaho lwa minwedzi ya fumimbili, hone vha dovha hafhu vha ṋewa mishumo kha tshigwada tsha Shoprite. Nga ṅwaha wa gidimbili fumimbili, vhagudiswa vha tshigidi ḓaina fumbili-sumbe vhovha miraḓo ya tshigwada tsha Shoprite.
"Ndori u fhedza u gudiswa nga ṅwaha wa gidimbili fumbili, mulangi wanga nga itsho tshifhinga vho nngeletshedza uri ndi ḓi ṅwalisa na kha dzinwe phurogireme dza vhulangi. Zwa zwino ndo no shuma kha mabuḓo manzhi kha mavhengele oyaho ngau fhambana, hone ndo no aluwa kha nḓowetshumo ya vhubindudzi," hu amba Phenyo Mogale, mulangi wa thengiso kha vhengele ḽa Shoprite ya Northam kha vunḓu ḽa Limpopo.
U ḓi ṅwalisa uvha kha phurogireme, vhaswa vha nga rumela mulaedza kha WhatsApp kha nomboro dza 087 240 5709 vha nange "Job opportunities". Kana vha dalele https://shprite.jobs kana vha ise mabammbiri avho a khumbelo ya mushumo kha vhengele ḽa Shoprite, Checkers kana Usave ḽire tsini navho. Vha nga dovha hafhu vha dalela siaṱari ḽa vha Shiopritela Shoprite Group's Youth Opportunities u wana mafhungo nga vhudalo.