Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Vhadzulapo vha kusi kwa Xitachi Ha-Bungeni vho vuswa nga mafhungo asa takadzi nga Sondaha ya ḽa fumiina, hu tshi pfala u fhiswa ha tshiṱitshi tsha radio yavha dzulapo, Hlanganani FM, nga muthu kana vhathu vha sa ḓivhei.
Tshiṱitshi itsho tsha radio tsho tshovha tsho valwa minwaha miṱanu yo fhiraho nga usa tevhedza milayo ya ICASA, zwe zwa sia vha tshi xelelwa nga bammbiri dzavho dzau hasha.
Vhadzulapo vho vhaisala vhukuma sa izwi vhovha vha khou lavhelela uri tshiṱitshi itsho tshi ḓo vulwa hafhu. Nga ṅwaha wa gidimbili fumimbili ho nangwa vharangaphanḓa vhavhili kha khoro ya musanda uri vha wane dzi bammbiri uri tshiṱitshi itsho tshi vulwe sa izwi vhadzulapo vhovha vha sa ṱoḓi uri miraḓo ya bodo vhavhe vhone vhane vha tsimbidza kana u ṱhogomela u lugiswa ha mabammbiri au vulisa tshiṱitshi hafhu.
Kha nyambedzano na vha gurannḓa ya Limpopo Mirror, munwe wa vhane vha tou ḓivha nga tshiwo itsho, vhari u fhiswa ha tshiṱitshi zwo sia vhadzulapo vha sina fulufhelo kha uri vha nga dovha vhavha na tshiṱitshi tsha radio hafhu. "Vhe vha fhisa tshiṱitshi itsho vho thoma ngau thuntsha tshiṱitshi itsho luvhili vha saathu u vhasedza mulilo. Sa vhadzulapo, ro vhaisala vhukuma ngau xelelwa nga tshiṱitshi tshashu, sa izwi hovha hu tshone tshiṱitshi tshashu hone rovha ro lindela uri tshi vulwe hafhu," vha amba.
Mudzulatshidulo wa khoro ya musanda Ha-Bungeni, Vho-Makhanyisani Mabunda, vhari u fhiswa ha tshiṱitshi zwovha kula nungo sa izwi tshiṱitshi tshovha tshi tshone tshisima tsha mafhungo kha vhadzulapo vha Ha-Bungeni. "Ro ṱanganedza ṱhingo uri tshiṱitshi tshi khou swa nga nḓila ine mulilo uyo au langulei, ha swa ndaka yoṱhe ire nga ngomu. Hovha na u tshinyadzwa ha tshiṱitshi ngazwo ro balelwa u vhulunga zwishumiswa," vha amba Vho-Mabunda.
Vho-Vicky Muvhali, mudzulatshidulo wa khoro ya Njhakanjhaka, vho sumbedzisa nga ha nungo dzavho dzau vusuludza thandela yau hasha nga ṅwaha wa 2020 na uvusulusa khumbelo hafhu. "Rikhanyambedzano ya uvusulusa khumbelo hafhu nga ṅwaha wa gidimbili fumbili hone khumbelo yashu ya ṱanganedzwa. Rovha ro lindela u fhindulwa," vha amba. Vhari ahuna ane a ḓivha uri ndi mini tshivhangi tshau fhisa tshiṱitshi itsho.
Muambeli wa mapholisa a vunḓu ḽa Limpopo, Lt Col Malesela Ledwaba vho khwaṱhisedza u fhiswa uhu. "Mapholisa vho dalela tshiṱitshi itsho tsho fhiswaho na vhau dzima mulilo. Ahuna muthu ono farwaho zwa zwino," Vho-Ledwaba vha amba.
Mapholisa vha khou bvela phanḓa na ṱhoḓisiso dza tshiwo itshi. Ane avha na vhuṱanzi ha tshiwo itshi u fanela u kwama vho khomanda, kaputeni Marivate kha nomboro dza 082 468 8673 kana vhaya u vhiga kha tshiṱitshi tsha tsini navho.