Tshiṱori nga: Silas Nduvheni. Ṱhalutshedzo nga: Khathutshelo Raliphaswa.
Kha muṱaṱisano we wa farwa wa fhano hayani wa "Solve for Tomorrow", tshikolo tsha Mbilwi tsho kona u kunda. Ndi muṱaṱisano wa Samsung Afrika Tshipembe wa mveledziso ya vhukoni ha zwa didzhithala.
Uyu muṱaṱisano une wa shumisa tshitaela tsha hackathon wo itelwa u engedza dzangalelo na vhukoni kha pfunzo ya saintsi, thekinolodzhi, engineering na mbalo (STEM). Uya nga vha Samsaung, "Solve for Tomorrow" yo no swikelela vhathu vha swikaho vha miḽiyoni dza 1.5 kha mashango a fhiraho a furaru u mona na ḽifhasi nga ṅwaha wa gidimbili fumbili.
Kha muvhigo wa ṅwedzi wa Thafamuhwe, muṱaṱisano wa ṅwaha uno wovha wo farwa nga vha Samsung, vho farana zwanḓa na vha zhendedzi ḽa mafhungo na thekinolodzhi (SITA). Vha sedza vhagudiswa vha mirole ya vhufumi na vhufumi-na-thihi vha bvaho kha vhupo ha mahayani vhune ha vha na ṱhahelelo ya zwishumiswa zwinzhi zwo fanelaho, vha vha nea zwikhala zwa uri vhavhe na vhukoni ha zwa thekiniki, huu itela u tandululo dzi khaedu dzine vhathu vha mivhunduni vha ṱangana naho.
Muṱaṱisano uyu wo thoma nga zwikolo zwi swikaho zwa fuṱhanu-na-thihi zwe zwavha zwo khethiwa u mona na shango. Zwikolo izwo zwovha zwi khou fanela u shumisa STEM u sedzulusa dzi khaedu dzine mivhundu ya ṱangana nayo, vha na thuso ya zwishumiswa zwe zwa netshedzwa nga vha Samsung na uvha gudisa. Vho fanela u ita dzi tsedzuluso na u bveledza mishumo ine yo themendelwa u thusa vhathu vha mivhunduni.
Zwe tshikolo tsha Mbilwi tsha bveledza, zwine zwavha thandululo ya u lugisa milindi magondoni kha dorobo yavho nga u shumisa zwishumiswa zwa u tou shumisa hafhu sa izwi zwo no di shumiswa, zwine zwa katela mabodelo e vha a kuvhanganya.
"Ri ḓi rwa khana nga u vhona vhagudiswa avha vho kona u shumisa mihumbulo yavho u visa dzi thandululo na u thusa kha dzinwe khaedu dzine vhathu vha mivhundu yavho vha ṱangana nadzo. Zwi thusa na ngauri zwi ḓisa tshanduko kha vhadzulapo," hu amba Vho Shivanda Hlubi mulangi wa zwa muhasho wa mabindu kha Samsung.
Tshikolo tsha Mbilwi vho avhelwa masheleni a zwigidi zwa ḓana wa dzi rannda, hone masheleni o avhelwaho tshikolo tshinwe na tshinwe a ḓo ya kha STEM zwi tshi elana na zwishumiswa zwine tshikolo itsho tsha ṱhoga.
Vho Tshifhiwa Tshidzumba, munwe wa vhagudisi tshikoloni tsha Mbilwi, vhari u kunda ha thikolo tshavho zwi touvha dakalo vhukuma kha vhalanguli vha tshikolo,khorombusi, vhagudiswa na vhadededzi, hone muṱaṱisano uyu wo vha ṋea tshikhala tsha u ita zwavhuḓi muvhunduni wavho.