Tshitori nga: Thembi Siaga. Ṱhalutshedzo nga: Khathutshelo Raliphaswa.
Mutambi wa matambwa, Tshilidzi Rambau, u bva kusini kwa Tshivhuyuni u khou ḓi sikela dzina kha nḓowetshumo ya thelevishini sa mutambi Pele kha ḽitambwa ḽa Skeem Saam la SABC 1. Tshilidzi ndi muswuhana ane a pfesesa nau kona u swikelela thoḓea dza uvha mutambi makone, zwine zwa mu thusa uvha munwe wa vhatambi vha khwine kha nḓowetshumo ya thelevishini fhano Afrika Tshipembe.
Lufuno lwa Tshilidzi lwa uvha mutambi lwo sima midzi musi atshe tshikoloni tsha nṱha a tshi bveledza matambwa mapfufhi auvhona na ṱhama dzawe. Nga ṅwaha wa gidimbili sumbe Tshilidzi o ṱangana na Patrick Seleka, ane avha mutambi wa ḽitambwa Skeem Saam sa Kat, a tshi khou ita nyambedzano kha mushumo wa tshikolo amu eletshedza uri a shumise zwikili zwawe zwa uvha mutambi nauri u fanela u wana vhaimeleli vha vhatambi uri a kone u bveledza miḽoro yawe, afho ndi he lwendo lwawe lwa uvha mutambi lwavha na tshanduko ya khwine.
Ori atshe mugudiswa ngei gudedzini ḽa Damelin nga ṅwaha wa vhuvhili kha buḓo ḽa ramafhungo na media, oḓo ṱangana na tshikhala tsha uvha kha ḽitambwa ḽa Isidingo kha SABC 3.
Nga ṅwaha wa gidimbili fumbili, o ṋeiwa tshikhala tsha uvha mutambi kha ḽitambwa Skeem Saam a Pele. O dovha hafhu avha munwe wa vhatambi vha Muvhango (SABC 2) he avha a Themba Khoza, muimeleli wa KK Mulaudzi.
Nga uvha mutambi Pele, muswuhana ane a bva Venda, ane zwa zwino u dzula Turfloop a tshi shuma kha vhengele lau ḽela, Tshilidzi o wana nḓila yawe ya khwine. "Ndi tshi ya nḓuni dza Skeem Saam lwau thoma ndovha ndi na nyofho sa izwi hovha hu nḓuni dza ḽitambwa ḽe nda aluwa ndi tshi ḽi ṱalela na u ṱangana na vhatambi vha fanaho na John Maputla na vhanwe vhatambi vha ḓivheaho vha ngaho Kwaito, Lehasa na Pretty u tou amba vhaṱuku," a amba.
Tshilidzi o limuwa nyaluwo yawe sa mutambi musi a fhasi ha ndawo nau gudiswa nga mutambi Wiseman Zitha, ane a ḓivhea sa Musawahosi kha ḽitambwa Giyani Land of Blood, na mutambi na mutshini Hungani Ndlovu ubva kha ḽitambwa ḽa Scandal (e.tv).