Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.
Muṱhannga wa minwaha ya fumbiliraru, Bertasi Maunya o bva hayani hawe kusini kwa Ngovhela Tshirembe nga masiari a Mugivhela wa ḽa raru Fulwi sa nga misi, fhedzi ḓuvha iḽo hango vhuya hayani.
Tshitumbu tshawe tsho wanwa tshi tshi papamala damuni ḽa Phiphidi nga vhanwe vha vhadzulapo vhe vhavha vha khou tala damuni ilo nga zwikepe zwavho nga Mugivhela wa ḽa fumi Fulwi. Tshitumbu tsha Bertasi tsho sumbedzisa uvha na mbonzhe, hone zwikwamani zwa zwiambaro zwawe ho wanala matombo, zwe zwa khwaṱhisedza uri Bertasi o tou vhulawa zwa sia vhadzulapo vho tshuwa nau mangala uri zwito zwo raliho zwo itwa nga nnyi.
Vho-Rudzani Jonathan Mathelemusa, vhane vhavha muraḓo wa khoto ya vhadzulqpo ya Phiphidi, vhari vhadzulapo vho sinyuwa vhukuma nga tshiwo itshi. "Ro kwamea sa tshitshavha, zwe zwari tshuwisa ndi uri vho mu vhulaha ha panga matombo khae uri tshitumbu tshawe tshi balelwe u papamala nau ngalangadza vhuṱala, zwiito zwo raliho zwia vhaisa nau tshuwisa. Vhe vhamu vhulaha vha sumbedza vhovha vhoḓi imisela vhukuma hone vha sa ṱoḓi uri vha muṱa vha mu wane na umu vhulunga zwavhuḓi," vha amba.
Vho-Mathelemusa vho sumbedzisa u nyama sa izwi husi tshitumbu tsha u thoma u wanala damuni ḽa Phiphidi. "Vhathu vha khou tshinya damu ḽashu ngau laṱa zwitumbu khalo. Maḓi aḽo hango tsha kuna nga mulandu wa zwiito izwi zwine zwa vhonala zwi tshi khou anda kusini kwashu. Zwa zwino ari ḓivhi uri ho poswa zwitumbu zwingana. Ria vhilaela nga zwiito izwo sa izwi zwi tshi khou tshinya dzina ḽa kusi kwashu vhunga na vhugevhenga ha kusini kwashu vhu tshi khou anda," ha engedza.
Murangaphanḓa wa Khoro yqvhadzalapo vha Ngovhela na uvha muambeli wa muṱa wa ha Maunya Vho-Wamashudu Muhali, vhari vha muṱa vho vhaisala vhukuma nga tshiwo itshi. "Ro vhaisala sa muṱa na vhadzulapo, Bertasi ovha e muswuhana wa u luga lune ovha a songo tea u vhulawa nga nḓila ya tshiṱuhu sa zwe a vhulaiswa zwone,"vha amba.
Uya nga ha Vho-Muhali, Bertasi ovha atshi ḓivha vhavhulahi vhawe sa izwi o vhuya a vhudza vha muṱa nga hau retshelwa zwikwekwe a saathu vhulawa. "Sa vhadzulapo ri fanela u amba nga ha tshiwo hetshi uri ri kone u pfesesa uri tshivhangi ndi mini. Ngoho i fanela u bvela khagala nauri vha muṱa ri kone u fhola," vha amba.
Vho -Sedzheni Vho-Vuledzani Dathi, muambeli mufareli wa Mapholisa vha Vhembe , vho khwaṱhisedza tshiwo itshi nauri ho vulwa mulandu wa bulayo. "Ahu athu farwa muthu zwa zwino, fhedzi ri humbela uri are na vhuṱanzi nga tshiwo itshi vha ise vhuṱanzi kha tshiṱitshi tsha mapholisa tsini nae," vha amba.