Tshiṱori nga: Victor Muklwevho. Ṱhalutshedzo nga: Khathutshelo Raliphaswa.
Naho masalela a Vho-Fhatuwani Asnath Nguluvhe vhe vha tou vhulawa o vhuya nga ḽa fumiiṋa Fulwi, nga murahu hau lindela mvelelo dza ndingo dza DNA, Vho-Nguluvhe a vhaathu u vhulungwa sa izwi huna u vhangisana pfanelo dza u vha vhulunga nga vha havho na vha vhuhadzi havho.
Vho-Nguluvhe vha minwaha ya furaru-iṋa vho vhulawa mathomoni a ṅwaha uno nga munna we a fhuredzela uri u mureili wa tshiendedzi tshishumaho sa thekhisi. Vho-Nguluvhe vho ngalangala nga ḽa rathi Thafamuhwe vha tshi tshaisa mushumoni wavho ngei moloni wa Thavhani, Ṱhohoyandou. Vho ṱoḓiwa lwa dzi vhege, ha fhedza ngau wanwa tshitumbu tshavho tsho tshinyala tsini na gondo ḽa R524 Punda Maria, tsini na kusi kwa Maniini, izwi ndi nga murahu ha uri muhumbulelwa a sumbedze mapholisa afho he avha o laṱa tshitumbu hone.
Munna we avha o mala Vho-Nguluvhe, Vho-Hendrick Mabetha, vho ṱalutshedza vha nyanḓadza mafhungo ya Limpopo Mirror uri nga murahu hau wanala ha masalela a mufumakadzi wavho, vho founelwa nga muofisiri wa ṱhoḓisiso, vhe vha vha ṱalutshedza nga hazwo. Vhari miṱa iyi mivhili vho ṱangana nga ḽa fumi ṱahe Fulwi uri vha ambe nga nzudzanyo dza mbulungo, fhedzi vho vhilaedziswa musi vha muṱa wa Vho-Nguluvhe vha tshi ṱoḓa u ṅwalisa uri tshitumbu tshi neiwe vhone. Uya nga ha Vho-Mabetha, vhovha vho malana na Vho-Nguluvhe lwa mulayo sa izwi vhovha vho mala nga masheleni ofhelela. Vhari,"ndi na linwalo li bvaho kha Vho-Thovhele Manenzhe line khwaṱhisedza uri ndo malana na Vho-Nguluvhe. Zwo ralo, vha muṱa wa vha vhuhadzi a vhana thendelo yau ṅwalisa nau vhulunga mufumakazi wanga kha kusi kwavho. Nne ndi na pfanelo dzoṱhe dza u vhulunga mufumakadzi wanga kha kusi kwashu."
Khaladzi a Vho-Ngulvhe, Vho-Livhuwani Munyai, vho hanedza zwine zwabulwa nda mukalaha wa mufu, ndi nga khwaṱhisedza uri Vho-Mabetha a vhango fhedza u mala khaladzi anga. Ndi dovha hafhu ndavha na vhuṱanzi ha u sumbedza uri a vhango lifha masheleni oṱhe. Athi kholwi uri na Vho-Thovhele vhovha nea vhurifhi," vha amba.
Vho-Munyai vhari vhaa vhaisala vha tshi humbula uri tshitumbu tsha khaladzi avho tshitshe mutsharani nga hone u lwedzana u mu vhulunga vhukati ha miṱa iyi. Ahuna ane a ḓivha uri Vho-Nguluvhe vha ḓo vhulungwa lini.