Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Mapholisa vha khou ṱoḓana na vhathu vhane avha ḓivhei nga tshivhalo vhe vha ṱangula kha mavhengele tserekano a Elim nga matsheloni a Musumbuluwo, nga ḽa malo Shundunthule, he musidzana wa minwaha ya fumi rathi a thuntshiwa a lovha.
Tshiwo itsho tsho bvelela hune hapakwahone zwiendedzi mavhengeleni tserekani tsini na vhengele ḽa Roots Butchery nga matsheloni, musi vhalindi vha tsireledzo vha khamphani ya masheleni vha tshi khou dzhia tshelede kha manwe mavhengele. Mavemu avho vha homboka masheleni asa ḓivhei uri ndi vhugai he vhalindi vha tsireledzo vho lingedza u vhathivhela fhedzi vha thoma u thuntsha vhasa londi he vharengi vha gidima vha tshi ṱoḓa uḓi tsireledza.
Muambeli wa mapholisa a vunḓu ḽa Limpopo, Lt Col Malesela Ledwaba, vhari vha humbulelwa vho shumisa goloi ya Toyota Hilux Super. "Vhalindi vha tsireledzo vho lingedza u lwisana na mavemu ayo ndi he vha thoma u thuntsha vhathu, he musidzana wa minwaha ya fumi rathi na muṱhannga wa minwaha ya fumbili rathi vha thuntswa vha huvhala. Vho hwalelwa vhuongeloni mashudu mavhi musidzana oyo a lovha nga mafuvhalo au thunthswa. Ṱhoḓisiso dza mapholisa dzi khou bvela phanḓa," vha amba Vho-Ledwaba.
Uya nga ṱhanzi ye yazwi vhona nga maṱo, o vhudza vha gurannḓa ya Limpopo Mirror uri u ṱangulwa uho hovha hu shushaho, uri: "rovha ro tshuwa sa izwi huna muthu o lozwaho vhutshilo hawe kha tshiwo itshi. Nḓila ine vhugevhenga ha khou anda kha vhupo ha Elim, ripfa ri songo tsireledzea."
Mulangi wa mavhengele tserekano, Vho-Wimpie Meyer, vho laedza vharengi uri vha shumise munango wa tshihaḓu nga tshifhinga tsha tshiwo itshi. "Ria thoma u ṱangana na tshiwo tshi fanaho na itshi kha minwaha ya fumi yau langa mavhengele tserekano aya," vha amba.
Vho-Meyer vhari vho welwaho vha khou ṋeiwa tshikhedzo yoṱhe yo fanelaho, na muṱhannga o huvhalaho u khou wana thikhedzo. "Ri livhuwa vhadzulapo vhane vha khou farisana khau ṋea thikhedzo nga nḓila dzo fhambanaho," vha engedza.
Mukhomishina mufareli wa mapholisa a vunḓu ḽa Limpopo, Vho-Major General Jan Scheepers, vho humbela vhadzulapo uri vhavha thuse nga vhuṱanzi vhune vhunga thusa u wana mavemu ayo. "Ri tea u farisana uri mavemu na vhoṱhe vhane vha ita zwa vhugevhenga vha zwi vhone uri avha faneli uvha kha vhupo hashu,"vha amba.
Ane a ḓivha zwinwe anga kwama tshiṱitshi tsha mapholisa a Waterval, kha nomboro dza Vho-Mabunda 082 565 7901. kana vha founela tsiṱitshi tsha tsini navho, kana vha rumela mulaedza kha epe ya MySAPS.