Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.
Vho-Nkhangweleni Carol Ratshidaho vhane vhavha mubveledzi na murungi nga tshifhinga tshithihi, vho ṱangana na Itani Mudau ane avha murungi wa kusi kwa Muleḓane vhoya kha iṅwe ya dzi kiḽasi dza vhoramabindu nga Khubvumedzi ṅwaha wa gidimbili fumbili. Vho-Ratshidaho ndi mufumakadzi wa minwaha ya fuina-ṱhanu vha bva kha kusi kwa Ha-Budeli nnḓa ha Ṱhohoyuandou, u ṱangana nau vhona mushumo wa Itani zwo ita uri vha zwi takalele na zwenezwo, zwa vha ḓisela dzangalelo lau guda vhutsila hau runga.
Zwezwo tshifhinga tshi tshiya, vhanwe vhafumakadzi vha vha gudise nḓila dzau runga lune zwa zwino vho novha mukoni wau runga. Zwa zwino vho novha na zwiambaro zwau fhambana zwa u rungiwa, vha fulufhela uri sa izwi huna thaidzo yau sielisana ha muḓagasi u runga zwo leluwa u fhira u shumisa maṅwe malabi.
Vho-Ratshidaho vhari vha tshi thoma zwau bveledza nau runga vhovha vha tshi tou bveledza nau runga zwezwo zwavho zwau ambara fhedzi nga murahu ha tshifhinga vhathu vha takalela zwiambaro zwavho. "Ndi he nda vhona uri zwiambaro zwau rungiwa ndi ṱhoḓea. Tshikhala tsha uvha na bindu tsha ḓi bveledza kha nne, nda thoma bindu ḽanga sa mubveledzi na murunga nga tshifhinga tshithihi," vha amba.
Bindu lavho ḽo aluwa, hone na vharengi vhavho ndi vha tshivhalo vhukuma. Sa izwi bindu ḽavho ḽo aluwa, vho novha na dzina line ḽavha CJ Boutique. Vho vula na vhengela ngei Sibasa line ḽavha CarolJ Beauty World. Vha rengisa zwiambaro zwi ngaho dzi rokho, zwikhafu zwa vhana, dzi bege na zwinwe zwinzhi.
"Ndi tshi thoma ndo ṱangana na dzi khaedu, fhedzi zwa zwino ndi khou bvelela zwavhuḓi naho vhanzhi vha tshi kundelwa kha sia ḽau runga. Ndi runga zwiambaro zwau kunga maṱo a vhathu hone ndi tshimbila na tshifhinga kha zwine zwa khou ambariwa hoṱhe-hoṱhe. Zwa zwino ndi runga zwiambaro zwi katelaho vhathu vhoṱhe, zwihulu vhafumakadzi,hone ndi runga zwa khalaṅwaha dzoṱhe nga mutengo wa fhasi. Ndo ḓi lugisela u funḓedza vhaswa nḓila dzau runga hu nḓila yanga yau nekedza murahu kha vhadzulapo." vha amba.