Tshiṱori nga Silas Nduvheni. Ṱhalutshedzo nga Khathutshelo Raliphaswa.
Vhupfiwa hau ṱungufhala zwo fara zwitshavha zwa Gumela na Ngalavhani, nga murahu haupfhira fhano shangoni lwa ramabindu a ṱhonifheaho na lwa tshiphiri lwa u ṱavhanya na lu sa pfaliho na murangaphanḓa wa sialala Vho Aifheli Enos Nduvheni, vhane vha dovha vha ḓivhiwa sa Sithagu kana Malise. Vho lovha nga Ḽavhuṱanu, ḽa 16 Shundunthule, musi vha tshi khou ya Kiḽiniki ya Matavhela uwaba dzilafho. Vho vha vhe na miṅwaha ya 73.
Vho Nduvheni, muraḓo wa komiti ya Khoro ya Lushaka ya Rambuda vhe vha ṋewa mushumo wa u tandulula khanedzano dza vhurangaphanḓa ha sialala, vho vhulungwa nga Mugivhela, wa ḽa 24 Shundunthule ngei Handuvheni . Mbulungo yo dzhenelelwa nga gogo ḽihulu, ḽi tshi sumbedza ṱhonifho yo dzikaho ye vhovha vha tshi i laedza.
Mufumakadzi wavho Vho Grace Nnyagiseni Nduvheni, vha ri vho lugisela vhuragane havho nga matsheloni eneo nahone vho tshuwa musi vha tshi zwi pfa nga murahu ha ḓuvha ḽeneḽo ḽa lufu lwavho. "Ro vha ri tshi kha ḓi tou bva u pembelela miṅwaha ya 50 ya mbingano yashu ri roṱhe. Ndo vha ndi sa athu u vhuya nda humbula uri ḽi ḓo vha ḓuvha ḽashu ḽa u fhedzisela roṱhe," vha ralo nga miṱodzi.
Khoro ya Lushaka ya Rambuda yo ṱalusa lufu lwavho sa tshiṱhavhi kha vhuḓidini vhu bvelaho phanḓa ha u vhuedzedza khanedzano dza vhurangaphanḓa. Muimeli wa khoro Vho Khotsimunene Phusuphusu Rambuda vho ri, "U lovha havho hu ḓa nga tshifhinga tshine ra ṱoḓa vhuṱali havho nga maanḓa."
Vhamusanda Vho Muthuhathonwi Nduvheni vha Nagavhani, vhe vha shuma tsini na Vho Nduvheni, vho khoḓa u ḓikumedza havho na thikhedzo. "Nga murahu ha musi khotsi anga vho lovha nga nwaha wa gidimbili fumbili-thihi (2021), vho dzhenelela sa khotsi nga dzi nḓila nnzhi. Ndo wana dzi ngeletshedzo, u kovheliwa vhuṱali, lufuno nau gudisiwa u ṱhonifha muthu munwe na munwe. Vho ri livhisa kha u vhewa hanga nga 2023 nahone vho vha vhe phuphu ya maanḓa."
Vho bebwa nga la 2 Fulwana 1952, Vho Nduvheni vho vha vhe murwa wa Vho Simon Mavhungu na Vho Nyamukamadi Muthathe Nduvheni. Vho thoma zwa u dzhena tshikolo kha Phuraimari ya Mufulwi nahone nga murahu vha dzhena Primary ya nṱha ya Matavhela. Nga mulandu wa vhuleme ha zwa ikonomi, vho shuma sa mushumi ngei Tshipise nahone nga murahu vha shuma Johannesburg, vunḓuni ḽa Gauteng, he vha dzhena kha mushumo wa u kunda phanele.
Nga 1989, vho vhuya hayani nahone vha thoma bindu ḽa muṱa ḽe ḽa bvelela zwavhuḓi vhukuma, u katela na mavhengele mahulwane, vhengele ḽa irengisa halwa , na hau ḽela. Miṅwahani ya zwenezwino, vh mbo ḓi litsha mushumo nahone vha ṱanganedza ṅwana wavho muhulwane, Angelina.
Vho sia mufumakadzi wavho, Vho Grace, vhana vha 11, na vhaḓuhulu vha 10.