Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.
Ovha mashudu mavhi musi muofisiri wa mapholisa a bvaho Tshiozwi vha tshi lovha nga murahu ha u thulwa nga tshiendedzi tshikhou gidima nga luvhilo lokalulaho nga ḽa fumbili-ṱhanu Ṱhangule. Tshiwo itsho tsho bvelela kha gondo ḽa R521 ḽe ḽavha ḽo valwa.
Vhosedzheni Lutendo Thathaisa vhe vha vha vhe na minwaha ya furaru-ṱahe, vhe vha vha vho vheiwa tshiṱitshini tsha mapholisa tsha Mogwadi ngei Dendron, vhovha vha khou shuma nga tshifhinga tshe tshiwo itshi tsha bvelela. Vho vha vha khou shuma u imisa mimoḓoro sa izwi hovha vhatshiimisa tshiendedzi tshodaho ngaluvhilo lwo kalulaho lwa vha thula vha lovhela hanefho nga mafuvhalo a u thulwa.
Vholufuthanenthe kholonele Malesela Ledwaba, vhane vha vha muambeli wa mapholisa a Limpopo vho khwaṱhisedza tshiwo itsho hone vhari hu ḓo sedzuluswa mulandu wa u vhulaha na u reila nga luvhilo lwo kalulaho. "Mapholisa a vhupo uho na vha tshumele ya shishi vho vhidzwa, vhari u swika vha wana Vho Thathaisa vho huvhala lutatisaho," Vho Ledwaba vha amba.
Vho Thathaisa vho vha vhe mutambi wa Bola khathimu ya Gogobole Bucs, thimu itambaho kha ḽigi ya bola ya Makhado. Ḽilwelavanḓa navho, Vho Jomo Thathaisa, vho ṱahisa uri sa muṱa vho vhaisala vhukuma musi vha tshi vhigelwa nga tshiwo itsho. "Ro no wana milaedza ya ndiliso u bva kha vhathu vha u fhambana, zwine zwa ri sumbedza uri vhovha vhe muthu ane a tshila na vhathu vhoṱhe nga nḓila yavhuḓi," vha amba.
Vho MEC vha vhuendi na tsireledzo ya tshitshavha Vho Florence Radzilani vho isa ndiliso dzavho kha muṱa uyu wo welwaho na vhashumisani vha Vho Thathaisa. Vhari sa muhasho vha khou vhilaela nga ha tsireledzo ya vhashumi vhavho magondoni musi vhe mushumoni. "Ndi vhuḓifhinduleli hashu u shumisana na mapholisa, vha vhuendi, na vhaofisiri vha vhuendi uri vhashumisi vha magondo vhavhe vho tsireledzeaho misi yoṱhe."
Mushumo wa tshihumbudzo u ḓo farelwa kerekeni ya AFM ya Tshiozwi nga Ḽavhuna ḽa furaru-thihi Ṱhangule, nga awara ya vhufumi-na-mbili masiari. Mbulungo ya farelwa Tshiozwi nga Mugivhela wa ḽa mbili Khubvumedzi, nga awara ya vhurathi matsheloni.