Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.
Murungi wa zwienda, Vho-Louis Moila, vhane vha wanala Tshitandani vhari mushumo wavho uvha ṋea mulalo vhutshiloni ḓuvha ḽinwe na ḽinwe.
Vho-Moila vha na minwaha ya fumiṱhanu vha kha mushumo wavho wa u runga, hone na namusi vha kha ḓivha ene makone wau runga ane vhathu vhavha fulufhela nga zwienda zwavho. Vho zwi limuwa murahu uri vha nga kona uḓi unḓa nga u shumisa masheleni avho ane vha a wana nga u runga zwienda, hone vha ṱhogomela na muṱa wavho.
"Ndo vhona uri ndi ṱhoga masheleni, fhedzi ndovha ndi sa ṱoḓi u ḓi dzhenisa kha vhugevhenga. Ndo no vhona vhunzhi ha vhathu vha tshi tshinya matshilo avho nga vhugevhenga, vhanwe vha tshi fhedza ngau iswa dzhele. Zwovha zwi zwa vhuṱhogwa kha nṋe uri bindu ḽanga ḽi bvelele zwavhuḓi, nda dzhia masheleni anga e nda kuvhanganya nda renga mutshini wa zwienda," vha amba.
Vho-Moila vha shumela kha tshiṱaraṱa tsha Burger Street. "Ahu tou ṱoḓea tshifhaṱo tshihulu uri vhathu vha ṱoḓe tshumelo kha bindu ḽavho. Arali mushumo u wavhuḓi, vhathu vha ḓo u takalela, hone vha ḓa ḓuvha ḽinwe na ḽinwe. Ndi na vhathu vhane vha fulufhedzea kha bindu ḽanga, vhane vha dzulela u ḓa kha nṋe uri ndi runge zwienda zwavho. Ahuna khunguwedzo dzine nda anḓadza bindu ḽanga, ndi tenda kha uri mishumo yanga i aḓi ambela yoneine kha vhathu."
Vha ṱalutshedza uri masheleni ane vha a wana kha bindu ḽavho a thusa kha u fhungudza vhushai khavho."Thama yanga ane nae a shuma nga u runga zwienda, o no renga moḓoro nga masheleni a u runga zwienda. Ahuna munwe mushumo une o nou shuma nga nnḓa ha wa u runga zwienda. Kha nne yovha ṱhuṱhuwedzo uri ndi shume ndo ḓi khwaṱhisa na usa nyama kha mushumo wanga," vha engedza.