Ho vhonala Nngwe kha ḓorobo ya Louis Trichardt nga madekwana a Ḽavhuru, 22 Ṱhafamuhwe. Munwe wa vhareili kha gondo ḽa N1 o vhona Nngwe iyi i tshi buḓabuḓa i tshi yela New Town. Muvhigo uyu wo ofhisa vhadzulapo.
Vha mapholisa a Makhado vho ḓivhadza vhadzulapo nga Nngwe iyi, zwa phaḓalala kha vhudavhidzani ha nnyi na nnyi nga tshihaḓu hone nga vuḓalo. Vhunzhi ha vhadzulapo avha vho nyadza muvhigo uyu vha pfa uri ndi mafhungo asi one.
"Ri livhuwa mureili uyu oḓa a vhiga tshiṱitshini tsha mapholisa," hu amba muambeli a mapholisa wa Makhado Vho-Irene Radzilani vha tshi khwaṱhisedza muvhigo uyu.
Vho-Isaac Lutoko vha ofisi ya muhasho wa mveledziso ya Ikonomi, Vhupo na Vhuendelamashango vho humbela vhathu uri vhasi vhe na nyofho hone vha songo vhulaha kana u thuba Nngwe iyi musi vha tshi ṱangana nayo, vha lidzele vhaḓivhi vha tsini kha 082 904 5812 sa izwi dzi Nngwe dzi tshi anzela u wanala kha vhupo uhu ha Soutpansberg u fhira nga nḓila ine vhathu vha humbula uri dzo ḓala ngayo.
Munwe wa vhalimi ea hana bulwa dzina o vhudza vha gurannḓa uri ono ḓi ṱagana na Nngwe itshi ṱoḓa u dzhia zwinwe zwa zwifuwo zwawe. Vhathu vha kholwa uri Nngwe iyi yo buḓela ḓoroboni nga u sedza zwiliwa.