Tshiṱori nga: Maanda Bele. Ṱhalutshedzo nga: Khathutshelo Raliphaswa
Ṱhahelelo ya maḓi na tsiravhuladze yo teaho zwi sumbedza uvha khaedu ine ya bvela phanḓa kha vhupo vhunzhi ha mahayani na zwikolo kha vhupo ha Vhembe. A touvha mashudu mavhi uri nyimele iyi i konḓaho i naniswa nga u bvela phanḓa ha khaedu ya u sielisana ha muḓagasi.
Kha zwikolo zwinzhi, u ṱahelelwa nga zwishumiswa zwa u shumisa kha tshumelo ya u isedza vhathu maḓi i vhanga uri nyimele ya tsiravhulwadze ivhe kha tshiimo tshine asi tshavhuḓi. Nga u vhona khaedu idzi vhuponi hawe, Uatshila Munenyiwa, wa minwaha ya fumi rathi are kha murole wa vhufumi-thihi tshikoloni tsha nṱha tsha Thengwe, o wana thandululo yau thusa vhathu kha khaedu idzi.
Uatshila wa vhupo ha Mutale kha kusi kwa Mangaya, o shumisa ndivho yawe u thoma nga ṅwedzi wa Phando ṅwaha-uno kha u thoma mushumo wawe. O dzhenelela muṱaṱisano wa vhaswa vha Afrika Tshipembe wa ha maḓi, he a pfufhiwa uvha wa u thoma nga ṅwedzi wa Lambamai.
A tshi amba nga ha mushumo wawe, uri hu na zwipiḓa zwiraru khawo: sisiṱeme ya u shuma nga sola u vha na maanḓa, sisiṱeme ya maḓi ine ya ṱuwisa zwishumiswa zwa vhupo u fana na maḓi a mvula na milambo, na mishonga ya u kulamaga mabunga, nga murahu ha u shumiswa ha bunga tshifhinga tshinwe na tshinwe. Sisiṱeme iyi yoṱhe i tou ḓi tshimbidza hu songo shumiswa thekinolodzhi.
Uatshila o ḓi imisela lune a tenda uri mushumo wawe u ḓo thusa kha khaedu dzine vhathu vha ṱangana nadzo kha zwikolo zwa vhupo ha mahayani. "Ndi kale ndi na lutamo lwa u ḓisa thandululo, hone zwa zwino ndo takala uri ndo kona u bveledza zwikili zwanga ngau bveledzwa mishumo yavhuḓi. Ndo dovha hafhu nda vhalela zwavhuḓi nḓila ine sisiṱeme ya ḓo shuma ngayo," a amba."