Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Dakalo ḽo ḓa u ṱavhanya kha murendi a ḓivheaho, ane o no pfufhiwa dzi pfhufho nnzhi a dovha avha muimbi wa thendo Vendaboy Poet na vhafuni vhawe.
Nga murahu ha ṅwedzi uno, o vhetshelwa u bvisa aḽibamu yawe ya vhumalo ya siṱudiyo. Sa vhunga zwenezwo zwi songo eḓana, muimbi wa thendo a ḓivheaho u ḓo dovha a thoma lwendo lwawe lwa uya dzhangoni ḽa Europe ubva nga ḽa 19 Khubvumedzi hone a ḓo ya ngei Switzerland, a phetha nga ḽa 12 Tshimedzi ngei Italy.
Vendaboy o tenda uri lwendo lu do mu vulela miṋango minzhi. "U tshimbila uhu ndi tshipikwa tsha ndeme kha nḓowetshumo ya vhurendi ha thendo, nahone tshi khwaṱhisa vhuimo hanga sa mutsila wa dzitshaka. Nga u kovhelana mvelele na vhufa ha Afrika Tshipembe na ḽifhasi, ndi khou ṱoḓa u sumbedza u pfuma na u fhambana ha nyambo dza Afrika nga kha vhurendi. Hezwi a si lwendo fhedzi, fhedzi ndi muloro wo bvelelaho, hu si kha nṋe fhedzi sa murendi fhedzi fhedzi kha nḓowetshumo ya vhurendi nga u angaredza, nga maanḓa kha nyambo dza Afrika," vho ralo.
O dovha a vha na fulufhelo nga ha u bviswa ha aḽibamu yawe ya vhumalo ye ya vha yo lavhelelwa vhukuma, ine ya pfi Ndele. "'Ndele' i ṱalutshedzela kha 'Spotless,' i sumbedzaho u ḓikumedzela hanga kha vhutsila ha u thoma," Vendaboy o ralo. Aḽibamu iyi yo vha yo vhewa nga ndivho ya u bviswa nga ṅwedzi wa Khubvumedzi, une wa vha Ṅwedzi wa Vhufa.
"Abuḽimu iyi i pembelela vhufa ha Vhavenda, mvelele na mvelele nga kha vhurendi na muzika. Nga u imela lushaka lwanga kha mashango o vhalaho a Afrika, tshipikwa tshanga ndi u ita uri vhurendi vhu vhe fesheni na u ṱhonifhiwa ḽifhasini ḽoṱhe. Ndi livhuwa thikhedzo ya masheleni ya Dzangano ḽa Pfanelo dza Muzika Tshipembe ḽa Afrika Tshipembe zwino ndi ḽa vhukuma. Kha vha dzule vho lindela albamu ya u litsha ṅwedzi uyu wa Vhufa. Ndo vha ndi tshi ḓo vha ndo takalela u i bvisa fhano hayani, fhedzi ndi ḓo ita zwiṅwe zwa zwishumiswa zwiswa musi ndi kha lwendo lwa Yuropa," vho engedza nga u ralo.
Vendaboy Poet o swika kule. Ndi ene mutsila Wamu Venda e eṱhe ane ono renda phanḓa ha muphuresidennde o dzulaho kha zwiitea zwivhili Vho Matamela Cyril Ramaphosa.
Vendaboy Poet ndi ane o bebwa muvhunduni wa Hanthabalala, a ḓou phasa pfhunzo dzawe dza maṱiriki tshikoloni tsha nṱha tsha Nthabiseng. O thoma u ṅwala na u renda vhurendi nga ṅwaha wa 2008, a tshi bveledza mushumo nga nyambo dza rathi: Sepedi, Tshivenḓa, Tsonga, IsiZulu, IsiXhosa na Luisimane. O ḓivhiwa lunzhi-lunzhi nga vhurendi havho, a wina pfufho dzo vhalaho, hu tshi katelwa na Murendi wa Nṱhesa kha Pfufho dza Muzika wa Tshivenḓa (TSHIMA) nga 2012 na Murendi wa Nṱhesa wa Thendo kha Pfufho dza Muzika wa Mvelele dza Afrika Tshipembe nga 2018.