Tshiṱori nga: Victor Mukwevho. Ṱhalutshedzo nga: Khathutshelo Raliphaswa.
Vha tshiṱudiyo tsha Burning Shack, tshire Ṱhohoyanḓou Block F, vha khou pembela minwaha ya fumbili nga nḓila ya tshipentshele kha ḓikiṱa ḽavho. Tshiṱudiyo itshi, tshine tsha ḓivhelwa u shumiswa nga vhoramuzika vha ḓivheaho vho fhambanaho, vha khou ramba vhoramuzika vhane vho no shuma kha tshiṱudiyo itshi kha minwaha yo no fhiraho uri vhaḓe vha pembele navho.
Munwe wa vhoramuszika vhane vha na vhuṱumani na tshiṱudiyo itshi ndi Mulalo Mukwevho, ane a ḓivhea nga ḽa Benjamin Maurell u bva kha bennde ya Harley and the Rasta Family. Mulalo, ane avha mutambi wa kaṱara a basi a ḓivheaho u mona na ḽifhasi na ramuzika wa rege, o ṱalutshedza uri vha ḓo pembela na vhanwe vhoramuzika vhane vho no ḓi kandisa mizika yavho kha tshiṱudiyo itshi ṅwaha-uno.
Mulalo ndi ramuzika a bvaho kha muṱa wa vhoramuzika, hune khotsiawe na Khotsi munene awe vho vhuya vha vhumba tshigwada tsha The Thrilling Artists nga minwaha ya ḓaṱahe fusumbe. Mukomana wawe, Vho-Colbert Mukwevho, vho ḓouvha muraḓo wa tshigwada itsho sa mubvumeli. Aḽibamu yavho yau thoma ye ya vhidzwa Mukhada (Concubine), yo anḓadzwa nga ṅwaha wa ḓaṱahe fumalo-raru, ya takalelwa nga vhanzhi hone ya ita bvumba u mona na shango kha vhafuni-vhatevheli vha muzika u mona na la Venḓa.
Vha tshiṱudiyo tsha Burning Shack vhovha haya ha vhoramuzika vha tshivhalo vha regae kha lushaka lwa Afrika Tshipembe, u fana na tshigwada Khakhathi and friends, na Shufflers Ragimana. Mulalo asi ramuzika fhedzi, u dovha hafhu avha muḓivhi wa zwa muongo. Hono kandisa vhoramuzika vha swikaho ḓana u bva tshe tshiṱudiyo tsha fhaṱwa nga ṅwaha wa gidimbili-raru. Mulalo u sumbedzisa u takala nga hau bvelela ha tshiṱudiyo itshi nau fulufhela uri tshi ḓoḓi bvela phanḓa nau thusa vhoramuzika vhanzhi.
Mulalo o kona u swikelela u ḓivhea u mona na ḽifhasi nga vhtsila hawe sa mutambi wa kaṱara a tshi tamba na vha Harley and the Rasta Family kha luvhande lwa Somhlolo ngei Swaziland e na minwaha ya fumithihi. Naho ovha e muṱuku,vhutsila ha Mulalo ho mvumvusa vhaṱaleli, a dovha hafhu a ṋewa dzi pfufho nga zwe a tamba.
A tshi vhudziswa nga ha tshenzhemo yawe a tshe muṱuku a tshi tamba kha luvhande lure na vhathu vhanzhi, Mulalo uri a zwingo mu tshuwisa sa izwi ovha a tshi anzela u tamba na vhakomana vhawe fhethu hunzhe a tshe na minwaha ya sumbe. U sumbedzisa uri ene u muthu o aluwaho ana dzangalelo ḽa muzika.