Tshiṱori nga: Maanda Bele. Ṱhalutshedzo nga: Khathutshelo Raliphaswa.
Vho-Eugene Muhadi, vhane vha vha mulangi wa vhudavhidzani ha muṱaṱisano wa vhoralunako wa Miss Nzhelele, vha khou kaidza vhashumisi vha zwileludzi zwa vhudavhidzani khau tambudza havho vhasidzanyana vhe vha dzhenelela kha muṱaṱisano wa vhoralunako wa Miss Nzhelele.
Vhadzudzanyi vha muṱaṱisano wa Miss Nzhelele vho vula tshikhala tsha u dzhenelela muṱaṱisano uyo nga ḽau thoma ḽa Fulwana, he vhunzhi ha vhasidzanyana vha u mona na zwisi zwa Nzhelele vha ṅwalisa. Vha muṱaṱisano uyu vho ṋea vhashumisi vha zwileludi zwa vhudavhidzani 'Facebook' tshikhala tshau khetha vha fuiṋa vha khwine, fhedzi vhunzhi ha vhasidzanyana vho ṱangana na khaedu nnzhi vha tshi tambudzwa kha zwileludzi zwa vhudavhidzani izwi.
Vho-Muhadi vho ṅwala tshiṱatamennde, vha tshi huwelela kha vhathu uri vha imise maitele avho kha vhasidzanyana avha. "Maitele aya a tsitsela vhuḓifulufheli ha vhasidzanyana vhanzhi, ndi maitele ane anga sia vhunzhi havho vha tshi ḓi vhona sa vhathu vhane a vha na nḓila dza u shela mulenzhe khau bveledzisa vhupo havho," vha amba.
Vho-Muhadi vhari muṱaṱisnao uyu wa Miss Nzhelele ndi une a u ṱaluli muthu nga muvhala wawe, tshivhumbeo tshawe kana zwine zwa nga mu khethekanya na vhanwe. Naho vhupfiwa ha tshitshavha vhu ha ndeme, avha nga ḓo ṱanganedza maitele ane a sia munwe muthu o vhaisala, maitele aya ana masiandoitwa ane vhunzhi havho vha fhedza vho dzhia matshilo avho. Ahuna maitele au tambudza kha vhoralunako ane vha muṱaṱisano vha ḓo a ṱanganedza nau a tendela.
Muṱaṱisano uyu wa vhoralunako wo vhetshelwa u farelwa La'vero Lifestyle Lodge ire Nzhelele Tshavhalovhedzi Sendeza nga ḽa fumbili-mbili Nwendavhusiku ṅwaha-uno.