Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.
Muimeleli wa dzangano ḽa vhadzulapo la (SANCO) vha khou huwelela kha vharangaphanḓa vha vhupo ha Sinthumule uri vha fhelise u rengiswa ha halwa vhune ha ṱombiwa mahayni vhune ha vhidzwa 'Vaccine' sa izwi vhu tshi shelwa zwishumiswa zwine zwavha khombo kha mitakalo ya vhathu.
Mudzulatshidulo wa SANCO ya Tshiozwi Vho-Shaft Matumba vha kaidza vhathu uri vha litshe u nwa halwa uvho, nga murahu hau vhona nga nḓila ine ha khou tshinyadza kha mivhundu ya vhupo uho. Vhadzulapo vha na dzi mbilaelo nga ha zwine vhanna na vhaṱhannga vha vha vha zwone nga murahu ha u nwa halwa uho, vhunzhi havho vha fhelelwa nga nungo hone vhanwe vha tshi balelwa nau tshimbila vha tou hwala u iswa hayani.
Vhashumela tshitshavha vha SAPS vha khou humbelwa uri vha thome dzi ṱhoḓisiso nga ha mulandu uyu vha vhonane na vhane vha rengisa halwa uho. Vharangaphanḓa vha fanela uvha na vhusedzi kha zwine zwa bvelela mivhunduni yavho.
Uya nga ha vhadzulapo, vhari u nwa halwa uvhu luthihi zwia kona u kamba muthu lwo kalulaho. Vhu kamba lune ha sia muthu a tshi sala o ḓi hangwa na miraḓo ya mivhili isa shumi zwavhuḓi.
Munwe wa vhanna vhane a dzulela u nwa halwa uvhu uri "ahuna zwo khakheaho nga halwa uhu hone a vhu khombo kha vhane vha vhu nwa. Zwine zwa mbilaedzisa ndi nga ha mbilaelo dza vhathu kha nga ha tsireledzo ya hune vhathu vha ḓi mvumvusa hone."
Muambeli wa mapholisa, Vho- Sedzheni Tshifhiwa Radzilani, vhari mapholisa avhathu vhigelwa nga ha halwa uhu ha 'Vaccine', fhedzi avha koni u fhindula kha mulandu uyu.