Tshiṱori nga: Bernard Chiguvare. Ṱhalutshedzo nga: Khathutshelo Raliphaswa.
Vha SA National Road Agency Limited (SANRAL) vha khou vhea zwileludzi zwa luvhilo lwa mimoḓoro fhala tshivhilelani tsha dzi khombo Skoonplaas kha gondo ḽa N1, vhuponi ha Musina, hune ha anzela u thulwa vhaendanganayo nga zwiendedzi ine ya kundelwa u fhungudza luvhilo, zwine vhunzhi ha vhaendanganayo vha sala vho huvhala kana vho lovha. Mushumo uyu wa vha SANRAL wo thomiwa nga murahu ha dzi mbilaelo dza vhashumi, vhagudiswa, na vhaendanganayo vha ubva Skoonplaas na minwe mivhundu vhane vha fhira kha gondo ḽa N1 u bva Nancefield uya Skoonplaas.
Uya nga vhadzulapo vha Musina, vhaendanganayo vhane vha thulwa afha vha sala na mafuvhalo a shushaho kana vho lovha. Nga nwaha wa gidimbili fumbilithihi, ho thulwa nwana muṱuku a khou fhira bada e na mme awe nga moḓoro u kha luvhilo luhulu lwe mme awe vha fhiriselwa vhuongeloni, mashudu mavhi ene a lovha. Nwedzi wo fhelaho, ho thulwa mufumakadzi fhethu hanefho huthihi vhane vho sala na mafuvhalo a tatisaho.
Vhadzulapo vha Musina vho isa khumbelo dzavho kha vha masipala wa Musina na vha SANRAL uri vha vha thuse kha uvha vheela zwileludzi zwa luvhilo hune vhaendanganayo vha hu shumisa kha gondo ḽa N1. Vho Peter Jack, mudzulatshidulo wa dzangano ḽa Musina to the Front, vhari vhaa takala vha tshi vhona vha SANRAL vho fhindula mbilaelo dzavho, hone vha na ndavha na tsireledzo ya vhaendanganayo. Vha dovha hafhu vha humbela vha muhasho wa vhuendi wapo uri vha bvele phanḓa na u tsivhudza Vhareili vhazwiendedzi na vhaendanganayo nga ha milayo ya badani.