Tshiṱori nga: Bernard Chiguvare. Ṱhalutshedzo: Khathutshelo Raliphaswa.
Vha dzangano ḽa vhashumeli vha tshitshavha vha Afrika Tshipembe (PSA) vha khou ita khuwelelo kha vha muhasho wa pfunzo vunḓuni ḽa Limpopo uri vha vale ofisi dza pfunzo dza Liisela la devhula dza Hlanganani vhuponi ha Vhembe sa izwi hu fhethu hune ahongo kuna. Vhashumi vha liisela ili vhari vho no isa mbilaelo dzavho kha vha PSA vha tshi vha humbela uri vha dzhenelele sa izwi vha khou shuma fhethu hune ha vhea mitakalo na tsireledzo yavho khomboni.
Mulangi wa PSA vunḓuni ḽa Limpopo, Vho-John Teffo, vhari vhaimeleli vha dzangano vho dalela ofisi dza Hlanganani nga ṅwedzi wa Fulwi ṅwaha-uno nga murahu ha u vhona mbilaelo dza vhashumi uri ofisi idzo a dzingo tsiraledzea musi vha tshi shuma. Vho-Teffo vhari vha muhasho vhovha vha sa khou tevhedza ndayo dza luṱa lwa malo lwaha tsireledzo na mutakalo wa vhashumi, une wa ambela vhashumi na hune vha shumela hone. Naho vho vha na nyambedzano na vha muhasho wa pfunzo, vha PSA vhari ahuna zwo tandululwaho. Hone mulandu wo swikiswa na kha vha muhasho wa u tholwa na mishumo, vho lindela ḓuvha lau ṱolwa ha mulandu uyo.
Kha nyambedzano na vha nyanḓadza mafhungo ya Limpopo Mirror, vha ofisi dza liisela la devhula dza Hlanganani vho amba nga ha mbilaelo dza zwifhaṱo zwa ofisis idzi. Naho mbodo ya khunguwedzo ya ofisi idzi dzo vhewa nga nnḓa, vhashumi vhari maḓi ane vhaa shumisa u ṅwa na mabungani a bva na lwefha lusa takadzi na luthihi. Vhashumi vhari zwa zwino vha vho tou shumisa maḓi ane vha touḓa nao mushumoni.
Hu tshi ṱolwa zwifhaṱo zwoṱhe ofisini idzi, ho wanala uri dzinwe ṱhanga dzia bvuḓa, mbondo dzo kwashea nahone vhashumi vha ofha uri na mafasiṱere aḓo kwashea husi kale. Dzinwe dza dzi ofisi dzo bva thambo dza muḓagasi, zwine zwa vhea matshilo a vhashumi khomboni.
Muambeli wa muhasho wa pfunzo vunḓuni ḽa Limpopo, Vho-Mike Maringa,vhari vhaa ḓivha nga ha nyimele iyi hone vha khaḓi wana vhunwe vhuṱanzi nga ha dzi mbilaelo dzo ḓiswaho kha muhasho. Vha engedza uri tshifhaṱo itsho asi tsha muhasho, hone tshumelo ya nḓisedzo ya maḓi a iho zwanḓani zwavho.