Tshiṱori nga: Muvhigi wa vhashumi. Ṱhalutshedzo nga: Khathutshelo Raliphaswa.
U seilisana ha muḓagasi zwi na masiandoitwa asi avhuḓi, fhedzi huna mbuelo ine yavha yavhuḓi – u sielisana ha muḓagasi zwo maanḓafhadza ḓora ḽau ḓisa zwibveledzi zwa muḓagasi. Tshitandani, mavhengele mahulwane ono ḓi ṱanganaya nau shumisa dzi sola dzine dza pangwa kha dzi ṱhanga dza mavhengele avho huu itela u ḓisa muḓagasi kha mavhengele avho.
Kha innwe ya dzi mveledziso, vhengele ḽihulwane ḽa Shoprite Tshitandani, ḽo fhedza u panga dzi sola dza photovoltaic dzine dza kona u ḓisa muḓagasi wa 409,252 kWh. Izwi zwi ḓo engedza u aluwa ha mavhengele a Shoprite ane a shumisa dzi sola na muḓagasi une wa shumisea hafhu u mona na Afrika Tshipembe.
Sa izwi ri na khaedu dza u sielisana ha muḓagasi, mavhengele a fanaho na Shoprite, vha khou ḓisa thandululo kha khaedu idzi. "Zwa zwino, tshigwada tsha Shoprite tsho no panga sola dzi ḓisaho muḓagasi u swikaho dza miḽiyoni ya fuṱhanu nga nwaha, na dzi sola dzi swikaho mitha ya 174 534 kavhili kha vhupo ha fusumbethihi, na midavhi ya fumbiliina. Iyi ndi nomboro ine ya kona u isa miḓagasi kha miḓi ya gidiina maḓana maṱanu, fuṱhanuina nga nwaha. Zwi leludza mutsiko kha u isa muḓagasi u mona na shango," uyu ndi muvhigo we wa ḓiswa nga tshigwada.
Mulangi wa tshigwada tsha Shoprite, Vho-Sanjeev Raghubir, vhari muḓagasi uyu wo thusa mavhengele avho uri vha leludze u kwamea ha vhupo, na uvha tendela u shuma nga zwifhinga zwau sielisana ha muḓagasi.
"Ri tshi sala ri tshi fhedza minwaha mitanu, ri toda uri rivhe ri tshi kona u isa muḓagasi kha fhethu hu swikaho phesenthe ya fumbilithanu." vha amba.