Vha tshiṱitshi tsha mapholisa Makhado vho onesana na mukhomishina wa tshiṱitshi.

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Vha ofisiri vha tshiṱitshi tsha mapholisa tsha Makhado na zwiimiswa zwatshitshavha zwishumisana na tshititshi vho fara mushumo wau onesana na mulanga tshiṱitshi, Brigadier Nyelisani Mabatha, nga ḽa fumi-raru Fulwana, holoi ya tshiṱisthi. Vho-Mabatha vha khouya u shuma kha tshiṱitshi tsha mapholisa tsha Kagiso, Krugersdorp sa munga tshititshi.

Vho-Mabatha, vhe vha shuma sa mushumela tshitshavha kha SAPS lwa minwaha ya fumbili malo, vho shuma kha zwiṱitshi zwo fhambanaho kha vunḓu ḽa Limpopo, hu tshi vhalwa na Waterval, Tshilwavhusiku na Waterberg. Nga ṅwaha wa gidimbili fumirathi, vho nangwa sa mulanga tshititshi wa tshiṱitshi tsha Makhado.

Kha tshipitshi tsha muofisiri Vho-Bethuel Makananisa, vhari vha ḓo dzulela u humbula Vho-Mabatha na tshumelo yavho kha tshitshavha na tshiṱitshi. Vhari vhunzhi ha vhashumela tshitshavha vha SAPS vha fanela u ṱuṱuwedzea nga mishumo ya Vho-Mabatha vhe vha vha vha tshi dzulela u bvela phanḓa na pfunzo dzavho uri vha ṱanḓavhudze nḓivho yavho. "Vhashumela tshitshavha vha SAPS vha fanela u ḓi hudza nga mishumo yavho".

Mudzulatshidulo wa tsireledzo ya mahayani kha vhupo ha Tshitandani, Vho-Reneir Fourie, vhari u ṱuwa ha Vho-Mabatha ndi mafhungo a songo vha faraho zwavhuḓi, fhedzi vha khou takala na Vho-Mabatha kha tshikhala tshe vha ṋeiwa tshone. "U shuma na Vho-Mabatha zwovha zwavhuḓi lune u savha hone havho tshiṱitshini zwi ḓo pfala," vha amba.

Vho-Mabatha vho humbela vhadzulapo na vhafaramikovhe vha dzulaho kha mivhundu ya Makhado uri vha bvele phanḓa na u shumisana zwavhuḓi na vhashumela tshitshavha kha u lwa na vhugevhenga. "Ndi ḓo dzulela u ṱuvha ḓorobo ya Makhado sa izwi hu fhethu he nda shuma lwa minwaha ya tshivhalo, naho ndovha ndi si mudzulapo wa ḓorobo iyo. Ndi ḓo dovha hafhu nda ṱuvha vhashumisani vhanga na nyambedzano dze ndavha ndi tshi dzi fara na vhafaramikovhe kha vhupo ha Makhado. Ndi ṱuṱuwedza vhashumela tshitshavha vha SAPS uri vha dzulele u shumisana zwavhuḓi na u isa tshumelo ya khwine kha tshitshavha," vha amba.