Tshiṱori nga Silas Nduvheni. Ṱhalutshedzo nga Khathutshelo Raliphaswa.
Vha ḽihoro ḽa Economic Freedom Fighters (EFF), na zwiṅwe zwiimiswa vhane vha na dzi mbilaelo, vha khou pomoka vha masipala wa tshiṱiriki tsha Vhembe (VDM) uri vho thola vhathu nga tshiḓivhano musi vha tshi thola vhathu vhalinganaho 141. Vha khou amba zwauri neḓorobo muhulwane vha dzhenelela musi hu tshi nangiwa vhathu.
Vhashumi avho, vhe vha thoma u shuma nga ḽau thoma ḽa uno ṅwedzi wa Ḽara, vho tholiwa ubva kha vhathu vhe vhavha vha tshi khou shuma husina malamba na vha Expanded Public Works PROGRAMME (EPWP) u bva kha mimasiapala u mona na tshiṱiriki tsha Vhembe hune ha katelwa masipala wapo wa Thulamela, Makhado, Musina, na Collins Chabane.
"Ri na nḓivho nga ha zwine Neḓorobo vha khou ita vha tshi tambudza maanḓa avho nau nyadza buthano ngau angaredza ofisi yavho. Vho pfukha maga, nau nyadza milayo yo vhewaho ngau dzhenelela kha mafhungo au thomiwa ha vhathu," hu amba Vho Shadrack Hlongwane vha EFF RILC.
Vho Hlongwane vhari miraḓo ya ANC na vha miṱa yavho vho vhewa phanḓa kha maitele au thola vhathu. Vho bvela phanḓa nau pomoka Vho Freda Nkondo khauri vho thola vhathu vharathi vhane vha bva hayani havho Hamalamulele, na vhathu vhaṋa vhane vha bva kusini kune vha bva hone. Vho dovha ha amba zwauri vhaofisiri vhararu vha bvaho ofisini yavho vho ṱuṱuwedza uri hu tholiwe vhafumakadzi vhavho.
Uya nga Vho Hlongwane, zwovha zwi songo fanela uri muhulwane wa vhashumi kana muṅwaleli vhavhe hone musi hu tshi khethiwa vhashumi, ngauri vhaimo avho ha vha tendeli uri vhavhe vha mutevhe uyo wau ṱoliwa ha vhathu.
Vha mbumbano ya South African Municipal Workers Union (SAMWU) kha tshiṱiriki tsha Vhembe Vho sasaladza maitele ane a shumiswa khau thola vhashumi. Kha tshitatamennde SAMWU vho ita khuwelelo uri hu dzhiiwe tsheo ya shishi malugana na vhahumbulelwa vha vhashumi vha Neḓorobo.
Nga Musumbuluwo, ho farwa vhuṱambo ofisini dza VDM u ṱanganedza vhashumi vhaswa. Neḓorobo Vho Freda Nkondo, vho fhelekedzwa nga mulanguli wa masipala, Vho Zwannda Kutama, na muambeli Vho Tshotheli Davhana, vho ṱuṱuwedza vhashumi vhaswa uri vha bvele phanḓa nau shuma vho ḓi funga.
Vho Nkondo vho amba zwauri vhunzhi ha vhashumi avha ndi vhathu vhane ndi vhaswa u bva kha vhupo hau mona na tshiṱiriki tsha Vhembe, hone vha khou sumbedzisavhukoni hau fhambana na zwikili zwavho.
Muambeli wa VDM, Vho Matodzi Ralushai, vho bvisa tshitatamennde vha tshi khou fhindulela zwine vha khou pomokwa nga hau tholana nga tshiḓivhano na zwiito zwa tshanḓa nguvhoni, zwihulu kha zwileludzi zwa vhudavhidzani, vha tshiri vha masipala vho dzhiela nṱha mbilaelo idzo. Vho amba zwauri vha VDM, nga kha mulanguli wa masipala, vho thoma na ṱhoḓisiso dzavho dza nga ngomu.
Vho Ralushai vho engedza zwauri hu ḓovha na ripoto ine ya ḓovha hone musi vho no fhedza na dzi ṱhoḓisiso dzavho.