Tshiṱori nga: Bernard Chiguvare. Ṱhalutshedzo nga: Khathutshelo Raliphaswa.
Vhadzulapo vha Hamalamulele vhoḓi dzhenisa kha mugwalabo une wa khou bvela phanḓa, vha khou ṱoḓa tshumelo dza khwine kha vhupo havho ubva kha vha masipala wa tshiṱiriki tsha Vhembe. Tshumelo dzine vha khou gwalabela zwone ndi maḓi na bada dzo khwinifhadziwaho.
Vhadzulapo avha a vha thomi u gwalaba zwino malugana na nḓisedzo ya tshumelo. Nga ṅwaha wa 2022 na nga ṅwedzi wa Thafamuhwe ṅwaha uno, vhadzulapo avha vho gwalaba vha tshi livha ofisini dza muhasho wa mishumo na thememveledziso dza Hamalamulele, he vha netshedza ḽiṅwalo ḽire na zwine vha khou gwalabela zwone. Nḓisedzo dze vhavha vha khou gwalabela dzone hu katelwa u khwinifhadzwa ha bada ya D3647, D3645, S3668, NA D3660. Bada idzi ndi dzine dza livha kha mivhundu i ngaho Madonzi, Dinga, Greenfarm, na Xigalo u bva ḓoroboni ya Malamulele. Musi vha tshi isa ḽiṅwalo ḽa mbilo dzavho, vhadzulapo vho ita nau shushedza uri vha ḓo vala tshumelo dzoṱhe dza vhupo ha Hamalamulele arali vha muhasho vha balelwa nga u vhuisa phindulo hu sa athu u fhela maḓuvha a fumbili-thihi.
Ubva nga Musumbuluwo, vhagudiswa vhovha vho imiswa uya zwikoloni, ngeno vhuendi hoṱhe ha nnyi na nnyi ovha ho valwa. "Ri ḓo ima u gwalaba musi vha tshi fhindula nga ha mbilaelo dzashu vha ita zwo fanelaho," hu amba Vho Simon Sithole, mudzulatshidulo vha tshigwada tsha Concerned Community. Vho Sithole vho vhudza vha nyanḓadza mafhungo ya Limpopo Mirror zwauri tshigwada tsha vhathu vha muvhundu wavho vho ṱangana na neḓorobo vha tshiṱiriki tsha Vhembe, fhedzi ahuna zwe zwa tshimbila zwavhuḓi khau tandululwa ha thaidzo ya nḓisedzo ya tshumelo Hamalamulele.
Vha muhasho wa mishumo, bada, na themamveledziso (DPWR), vhe na vha dzhendedzi ḽa bada fhano Limpopo (RAL), vho rumela vho rainzhiniaa uri vhaye u ṱola tshiimo tsha bada nau sedza arali hu na zwine zwa fanela u khwinifhadzwa kha bada idzo. Vhorainzhiniara vhe vha ya u ṱola vho ḓou amba zwauri vhunzhi ha khaedu kha bada idzi ndi dzine dza ṱumanywa na maḓi. Uya nga vha DPWR, thandululo ya tshoṱhe yau tandulula khaedu idzi dza bada Hamalamulele ndi u khwinifhadza bada ngau ḓisedza tshumela yau xisa madi nga vhunzhi kha bada dzo tshinyalelwaho.