Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Vhadzulapo vha kusi kwa Magangeni tsini na Elim vho dzhia tsheo yau ḓi kulumagela na u tsireledza gudedzi ḽa Lemana ḽine ḽi khou hana u fhela, gudedzi iḽi ḽovha ḽi tshi ṱoḓa u itwa tshikolo tsha nṱha tsha Lemana.
Vhadzulapo avha vha swikaho furathi, vho vha vha khou vhilaedzwa nga u tshinyadzwa ha gudedzi iḽi ḽire na ḓivhazwakale. Vho thoma mushumo wavho une vhau vhidza Ahiti Pfuxeni vhege tharu dzo fhiraho. Mushumo uyu we vha u thoma ndi wau thivhela u anda ha tshinyadzo kha gudedzi iḽi nau tsireledza vhundeme ha ḓivhazwakale yaḽo.
Vha muhasho wa tshumelo ya vhathu vho thoma na mushumo wa Lemana nga ṅwaha wa gidimbili fumiraru fhedzi u swika zwino mushumo uyo au athu u fhela. Vha konṱiraka yau thoma ya Bankuna Engineering & constrution, vho imiswa u shuma nga ṅwaha wa gidimbili fumi sumbe. Nga ṅwedzi wa Fulwi gidimbili fumi malo, vha Lilithalethu Trading 41 vho mbo bvela phanḓa he vha Bankuna vha imiswa hone, fhedzi vha ṱangana na dzi khaedu musi vhadzulapo vha tshi ṱahisa lauri vhashumi a vhango badelwa masheni a mushumo we vha shuma na vha konṱiraka ya Banku. Sa izwi vhovha vha khou ṱangana na nyimele iyo, nga ṅwedzi wa Khubvumedzi gidimbilifumi ṱahe, vho ḓou imiswa kha mushumo uyu. Usa fhela ha gudedzi iḽi zwi kombetshedza vhana vha kusi uko uri vha ṱoḓa pfunzo kha mivhundu ya kule.
Ahiti Pfuxeni yo thomiwa nga vhadzulapo nge vha vhona vhugevhenga nau tshinyadzwa hune ha khou anda gudedzini. Vha ṱoḓa u thivhela gudedzi iḽi kha uvha fhethu hune vhugevhenga ho andesa.
Nkhensani Mahungu ane avha munwe wa vhadzulapo afho Magangeni, o sumbedzisa uri sa vhadzualopo u tshinyadzwa ha gudedzi ḽa Lemana zwi avha vhaisa vhukuma.
Ndhuna Mawisa Mabasa u bva kusini kwa Shirley uri o dinalea ngauri muvhuso au khou thusa u fhedza u fhaṱa gudedzi iḽi, hone u fulufhela uri u fhedzwa ha gudedzi iḽi zwi ḓo thusa vhagudeswa vhane vha bva miṱani ine vha shaya.
Vha Ahiti Pfuxeni, vha fulufhela uri muvhuso uḓo fhedza u fhaṱa gudedzi iḽi vha ḽi ita gudedzi ḽa FET. Vha khou huwelela na vhoramabindu na dzi khamphani uri vha vha thuse na zwishumiswa zwi fanaho na zwiambaro zwa u ḓi tsireledza vha tshi khou shuma.
Muambeli wa muhasho wa pfunzo vunḓuni ḽa Limpopo, Vho-Mike Maringa , vhari uri mushumo uyu uḓo bvela phanḓa lini azwi athu ḓivhadzwa fhedzi vhashumi vhane vha ḓo fhaṱa vha ḓo tholiwa nga huswa.
Vha muhasho wa tshumelo ya vhathu, Vho-Witness Tiva, vhari vha khou shuma na vha muhasho wa pfunzo, hone vha lavhelela uri ṅwaha u tshi fhela vha ḓovha vho no thoma.