Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Vhadzulapo vha muvhunduni wa Ngwenani ya Hamapholi nnḓa hanyana ha Ṱhohoyanḓou vho shushea nau tshuwiswa nga u vhulawa ha tshiṱuhu ha mufhaṱi makone wa zwidina a ḓivheaho nga ḽa Rodney Netshishivhe. O vha a tshi ṱaluswa sa muthu wa u swaswa na u ḓi Ṱukufhadza kha vhoṱhe, Netshishivhe o wanala o lovha nga matsheloni a Musumbuluwo, tshitumbu tshawe tsho vha tsho ḓala malofha nahone tsho vha tsho ḓala nga maḓi a mvula. Fhethu he a wanala hone hu touvha tshikhala tshiṱuku fhedzi u bva hayani hawe.
Munna wa miṅwaha ya furaru-raru (33), we a vha a tshi kha ḓi tou bva u pembelela duvha la marno awe, hu vhigwa uri o ṱhavhiwa lure na tshivhalo nga zwine zwa tendiwa uri hovha tshihali kana lufhanga . Muvhili wawe wo vha u tshi divhelwa nga khaladzi awe, Muano Marcia Netshishivhe we a ḓou mu Ṱalusa khwine.
Mafhungo a u vhulawa hawe o sia vhadzulapo vho ṱungufhala sa izwi o vha a sa ḓivhei uri u na maswina. Naho zwiimo zwo ṱanganaho na u ṱhaselwa hu sa athu pfala, hu humbulelwa uri a nga vha o tou tevhelwa hayani u bva fhethu hune ha rengiswa halwa ha henefho nga vhaṱhaseli vha sa ḓivhei u swika na zwino.
Murangaphanda wa muvhundu Vhakoma Vho Mashudu Ratombo vhari lufu lwa Netshishivhe lwo sia vhadzulapo vho vhaisala na u ofha. "Ro vha ri tshi mu ḓivha sa muthu ane a funa mulalo we a vha a tshi ṱhonifhiwa vhaṅwe vhadzulapo. O vha e mufhaṱi wa vhutsila we a vha a tshi ḓiunḓa nga mishumo ine a shuma ya zwenezwo. Lufu lwawe lwo muṱa wawe na tshitshavha tshoṱhe," ho amba Vhakoma Vho Ratombo.
Vho engedza nga uri vhutshinyi ha muvhundu vhu khou anda, hu na zwiwo zwo vhalaho zwa vhuvemu zwo vhigwahaho vhege dzo fhiraho. "Vhege dzi si gathi dzo fhiraho, muṅwe munna o ṱhaselwa fhedzi a ponyoka. Ṅwedzi wo fhiraho, mudzulapo wa Zimbabwe o rwiwa nga fosholo. Zwine zwa ri vhilaedzisa vhukuma ndi uri vhutshinyi uhu kanzhi vhu itea nga murahu ha musi vhathu vho no nwa halwa," vha engedza.
Zwino vhadzulapo vha khou sedza nḓila dza u lwa na vhugevhenga, hu tshi katelwa na u khwaṱhisa foramu ya vhupholisa ha tshitshavha tshapo (CPF). "Ri khou dzudzanya muṱangano wa vhathu vhanzhi hune muṅwe na muṅwe a nga shela mulenzhe nau ṱahisa mihumbulo. Nndwa ya u lwa na vhugevhenga a i ngo tea u lavheleswa nga murangaphanda washu, Khosi Vho Manukha Mapholi, vhe vhoṱhe. Ndi fhungo ḽa tshitshavha, nahone ri tea u shumisana u itela u fhelisa khakhathi iyi," Vho Ratombo vha vhina.
Muambeli wa Vhembe SAPS Vho W/O Vuledzani Dathi vho khwathisedza vhati mapholisa vha khou todisisa kha bulayo iḽi, fhedzi a hu athu u farwa muthu zwa zwino.
"Ri khou ṱoḓa nga vhuḓalo muhumbulelwa. Muṅwe na muṅwe a re na mafhungo ane a nga thusa kha ṱhoḓisiso u khou humbelwa uri a kwame Det-Sgt Mpho Gethe kha 079 380 1132," Dathi o ralo.