Tshiṱori nga Maanda Bele. Ṱhalutshedzo nga Khathutshelo Raliphaswa.
Mufari wa vhuendelamashango wapo u na fulufhelo ḽa u vula khonadzeo dza dzingu na u ḓivhadza vhathu vhanzhi nga ha lunako, vhufa, na dakalo ḽine Limpopo ḽa vha naḽo.
Vhaendela Uri Touring yo thomiwa nga nwaha wa 2013 nga Zwivhuya Machaba ubva Lwamondo Zwavhili na Kaygee Nemahunguhwi u bva Dzimauli Ha Rambuda. Muloro wavho wo vha u wa u ṱuṱuwedza vhuendelamashango ha hayani nga u fhisea nga u ṱuṱuwedza vhathu uri vha ṱoḓisise nnḓu dzavho dza murahu.
"Vhathu vhanzhi vhapo na vhaeni vha anzela u dzhiela fhasi vhufa ha mvelele ho pfumaho ha Limpopo, fhethu hune ha vha na zwithu zwine zwa ṱuṱuwedza, na fhethu ho ḓalaho vhuḓifari," ho amba Machaba, ane a tenda uri vhuendelamashango a si ha u ṱola fhedzi fhedzi ndi tshiṱuṱuwedzi tshihulwane tsha nyaluwo ya ikonomi. "Ri isa vhaendelamashango fhethu hune ha sa ḓivhee hune ha sa vhe na ṱhogomelo khulwane tshifhinga tshoṱhe. Mabindu a henefho sa dzi lodge, dzi restaurant, na tshumelo dza vhuendi dzi vhuelwa nga tshivhalo tsho engedzeaho tsha vhaeni.Thandela dza vhuendelamashango dzo thewaho kha tshitshavha na dzone dzi wana u bviselwa khagala, dzi thusaho vhoramabindu vhaṱuku u bvelela," vho ralo.
Machaba o ṱhogomela uri vho no tou katela fhedzi 25% ya zwithu zwine zwa kunga vhuendelamashango ha vundu, zwine zwa amba uri hu kha ḓi vha na zwinzhi zwine zwa nga ṱoliwa. "Lwa tshifhinganyana, ṱhogomelo yashu yo vha i kha nyendo dzapo, fhedzi ri khou ḓilugisela u thoma madalo a nnḓa ha vunḓu ṅwaha uno u itela u ṱhogomela vhaendelamashango vhanzhi vhane vha vha na vhuḓiimiseli," vho ralo.
Vhunwe ha nyendo dzavho dzo fhiraho ho katela u dalela Mpumalanga, Resort ya Vhuendelamashango ha Mapate, Tshifudi, na Dzimauli Tshapasha. Zwa zwino vha a ḓivha zwiitea zwi ngaho u gonya thavha, fhethu ha u ḓiphina nga resort, u tshimbila nga vhathu vha muṱa, na u bva ha zwigwada.
Lwendo lwavho lune lwa khou ḓa lwa u ya Tshirorivha Waterfall lu fulufhedzisa u ḓiphina nga maḓuvha mavhili a u ṱoka mishasha ya maḓuvha mavhili, a vhusiku vhuthihi, ine ya vha na u gonya thavha ya 7 km nga kha fhethu ha mvelo hu mangadzaho.