Tshiṱori nga: Kaizer Nengovhela na Victor Mukwevho. Ṱhalutshedzo nga: Khathutshelo Raliphaswa.
Vhanna na vhthangana vha fhiraho tshigi ḓaṱhanu vha u bva kusini kwa Ha-Mashamba na minwe mivhundu yatsini ku tshi katelwa na vhahura vha tsini vhabva ho khala hura ḽa Zimbabwe, vho vhuya hayani nga murahu hau fhedza vhege tharu vhe ḓakani, u fumbiswa.
Tshikolo tsha u fumbisa, tshire fhasi ha ndango ya Vho-Maine Avhashoni Tshfhango, vhe vha Vhe Nedorobo wakal wa Masiapala wa Thulamela tsho vala nga Lavhuṱanu ḽa fumiiṋa Fulwana. Vhafumbiswa avha vho ṱanganedzwa nga MEC wa zwa sialala Vho-Basikopo Makamu na Thovhele Vho-Nndweleni Mashamba, nga Mugivhela wa ḽa fumi rathi Fulwana, mudavhini wa Ha-Mashamba he vhabebi vha vhafumbiswa vha vha vha khou pembelela u vhuya ha vhana vhavho.
Vhafumbiswa vho fhedzwa vhege tharu ḓakani vhe na Thovhele Vho-Mashamba, vhe vha livhuwa vhabebi vha vhafumbiswa kha u vha themba nga u ḓisa vhana vhavho zwikoloni zwau fumbiswa, vha dovha hafhu vha livhuwa Vho-Maine Tshifhango nga u tshimbidza tshikolo tshavho nga nḓila yo tsireledzeaho kha vhafumbiswa.
"Ri na zwikolo zwau fumbisa zwi swikaho zwa ḓaṱhanu, o touvha mashudu mavhi nanwaha hovha na vhafumbiswa vhararu vhe vha ri sia vhe zwikoloni izwi, tshire Vhembe, tshire Sekhukhune, na tshire Capricon," hu amba vho MEC Vho-Makamu..
Vho-Maine Tshifhango vhari vha takalela uri vhathu vha kha ḓi ṱhonipha mvelele naho huna vhanzhi vhane vha zwi sasaladza sa maitele a kale, fhedzi naho zwo ralo vha ḓo bvela phanḓa nau ṱhonipha mvelele hu u itela u bveledzisa mivhundu yavho.
Vho-Maine Tshifhiwa Mugwedi vha hanedzana na fhungo lauri u rumela vhana zwikoloni zwa u fumbiswa ndi u vhea matshilo avho khomboni, vha amba izwi nga murahu hau fumbisa vhafumbiswa vha u fhira gidimbili ḓasumbe ngei Tombogede, kha kusi kwa Tshifudi, lwa minwaha husina vhafumbiswa vhane vho bvelelwa nga tshiwo.
Kha nyambedzano yavho na vha nyanḓadza mafhungo ya Limpopo Mirror vhe tshikoloni tsha u fumbisa, Vho-Mugwedi vhovha vhe na vhafumbiswa vha u fhira vha ḓana. "Vhafumbiswa vho takala hone na mitakalo yavho ndi yavhuḓi. Vhane vha sasaladza u fumbiswa ha vhaṱhannga ḓakani vha ḓo dzulela u sasaladza, fhedzi ndi maitele ane a ringa a laṱi ngauri huna vha sasaladzi," vha amba.
Nga Lavhutanu ḽa fumiiṋa Fulwana, vha fumbiswa vho mvumvuswa nga madaganana vhe dzikhareni. Zwikolo zwoṱhe zwa u fumbiswa zwo vala nga Lavhuṱanu ḽa fumiiṋa Fulwana.