Tshiṱori nga: Victor Mukwevho. Ṱhalutshedzo nga: Khathutshelo Raliphaswa.
Vha kiḽabu ya vhagidimi ya Thohoyanḓou vha khou ramba vhagidimi vhoṱhe uri vhaḓe u dzhenelela mbambe ine ya ḓo farelwa Thohoyanḓou nga Sondaha ya ḽa fumi rathi Fulwana.
Khethekanyo dzine vhagidimi vha ḓo dzhenelela khadzo ndiya ya khiḽomitha dza fumbilithihi ine ya ḓo thoma nga awara ya sumbe nga matsheloni, mbambe ya khiḽomitha dza fumi i ḓo thoma nga kotara u bva kha awara ya vhusumbe ngeno khethekanyo ya khiḽomitha ṱhanu i tshi ḓo thoma nga minete ya fumbili u bva kha awara ya vhusumbe.Mbambe idzi dzoṱhe dzi ḓo thoma u gidimiwa Venda Plaza.
Mudzulatshidulo wa kiḽabu, Vho-Steven Mavhona, vhari: "vhanwe vha vhagidimi vhane vha ḓo dzhenelela mbambe iyi ndi magwena a khau gidima, ḽigwena ḽa kale kha mbambe ya mitha dza ḓamalo Hezekiel Sepeng, mugidimi Timothy Munzhelele, na Rufus Poto. Ri ramba vhagidimi makone vha lushaka lwashu uri vha ḓe vha farane zwanḓa na vhanwe vhagidimi vha ḓivheaho, vha konaho vha lushaka nau mona na ḽifhasi". Munwe wa vhane vha ḓo dzhenelela mbambe iyi fhedzi asa khou dzhenelela u wana pfufho ndi ḽigwena ḽa khombureidi, Tete Gijana, kha mbambe ya khiḽomitha dza fumi.
Nḓila dza u dzhenela dzi khethekanyo dzo fhambanaho dza mbambe iyi ndi dzi tevhelaho: khiḽomitha ṱhanu ndi R60, khiḽomitha dza fumi – R100, ngeno khiḽomitha dza fumbili-thihi hu R150. Vhana vha minwaha ya fhasi ha fumimbili vha dzhenelela nga mahala. Uḓi ṅwalisa zwi ḓo vala hu tshi thoma mbambe yau thoma ya awara ya sumbe.
U ḓi ṅwalisa hoṱhe hu fanela u rumelwa kha muṅwaleli wa kiḽabu, Vho-Samuel Munyai, kha 071 167 2391.