Tshiṱori nga Victor Mukwevho. Ṱhalutshedzo nga Khathutshelo Raliphaswa.
Miraḓo yoṱhe ya Kiḽaba ya Mitambo ya Venda vhe vha shela mulenzhe kha Marathoni ya 90km i konḓaho ya 90km ngei Durban vhege mbili dzo fhiraho vho wana mimedala ya u fhedza mbambe nga tshifhinga tsho vhewaho tsha tshiofisi.
U ya nga murado muhulwane wa kilabu, Vho Dokotela Khathutshelo Ramalata - mugidimi a ḓivheaho wa tshikhala tshilapfu - miraḓo ya fumi-raru ya kilabu yo ita uri Venda ḽi ḓikukumuse nga u fhedza mbambe. Muṅwe wavho, Timothy Munzhelele, o wana mendela wa silivhere.
Kha vhagidimi avho hu katelwa Mashudu Mavhaga (08:51:39), Zwiitwaho Mudau (11:56:31), Nyamande Mushoni (08:15:00), Azwinndini (09:08:54), Khathutsulo Ramalata (10:33:43), Timothy Munzhelele (06:49:58), Elelwani Nethengwe (10:44:41) Vasco Makheda (11:46:32), Lufuno Nemukula (10:27:26) na Livhuwani Mudziellwana (10:43:26).
Muḓivhi wa zwa mishonga wa u amba nga vhulenda o ri u gidima havho ha 70km, ho farwaho nga ḽa 1 Fulwi 2025, zwo vha zwi zwa ndeme kha u bvelela havho.
"Naho ho vha hu u gidima hu konḓaho u bva Pietermaritzburg u ya ḓoroboni ya Durban, ho vha hu na zwikwara zwinzhi nḓilani. Zwikwara zwenezwo zwo vha zwi tshi fana na zwine zwa vha vhukati ha Tshandama na Muswodi, nahone ndi tshiṅwe tsha zwiitisi zwa uri ndi ngani ri tshi khou tshimbila nga tshikepe kha mbambe," o ralo.
O engedza nga uri vhagidimi vhoṱhe vha kilabu vho fhedza mbambe i kha vhuimo havhuḓi.
Vho Dokotela Ramalata vhari ndugiselo dza mbambe ya ṅwaha u ḓaho dzi ḓo thoma hu si kale. "Vhagidimi vhoṱhe vha bvaho kha zwipiḓa zwau fhambana u mona na tshiṱiriki tsha Vhembe vhane vha vha na dzangalelo ḽa u dzhena kha kilabu vho ṱanganedzwa husina ndavha uri mbalo yavho ndi nngana. Musi ri vhanzhi ria kona u swikela zwinzhi nau ṱuṱuwedzana khwine," vho ralo, vha engedza nga uri miraḓo ine ya khou ḓa i tea u ḓilugisela u ita dzi nḓowenḓowe nga maanḓa sa izwi zwi zwa ndeme uri ri dzulele u ita dzi nḓowenḓowe.
O ri: "Ri swikelela zwenezwi zwithu zwoṱhe nga ṅwambo wa u shuma nga maanḓa kha migidimo yashu."