Tshiṱitshi nga: Silas Nduvheni. Ṱhalutshedzo nga: Khathutshelo Raliphaswa.
Vha tshiṱitshi tsha mapholisa tsha Ha-Malamulele vho kaidza vhagudiswa kha zwiito zwau tshimbila na zwihali zwi fanaho na zwigidi na dzi phanga, zwihulu vha tshi swika nazwo zwikoloni. Mulanga tshiṱitshi tshamapholisa vhapo kholonele Kanelani Rikhotso vho kaidza vhagudiswa avha nga ḓuvha ḽa mushumo wa u lwa na vhugevhenga, we wa lambedzwa nga vha SAPS nga Lavhuṱanu, ḽa fumiṱahe Shundunthule ngei holoni ya Ha-Malamulele.
Nga ḓuvha iḽo, Vho-Rikhotso vho fhelekedzwa nga miraḓo ya tshiṱitshi tsha mapholisa tsha Malamulele, Vho-Patience Tshimangadzo ubva khaliisela la pfunzo la Malamulele na vhagudiswa na ṱhoho dza zwikolo zwo nangwaho kha muvhundu uyo.
"Zwikoloni ndi hau gudela, ane aḓo wanwa na zwihali u ḓo farwa na zwenezwo. Zwine zwa ḓo tshinya vhumatshelo ha vheiwe sa izwi ni tshi ḓo sala na khumbudzo ya vhutshinyi hanu, na kundelwa nau wana mushumo wa khwine," Vho-Rikhotso vha amba, vha tshi dovha hafhu vha kaidza na vhagudiswa vhane vha tambudza vhanwe vhagudiswa.
Vho ḓisa fhulufhelo kha vhagudiswa vhane vha bva mahayani a shayaho uri naho vha tshi bva miḓini i shayaho, vha nga kona u bvelela vhutshiloni vhavha zwine vha ṱoḓa na uvha vharangaphanḓa vha khwine arali vha londa pfunzo dzavho.
Nga ḓuvha iḽo, mapholisa a Malamulele, vho farisana na vhalindi vhapo vha Ha-Malamulele, vho dovha hafha vha nea vhagudiswa vha zwikolo zwa fhasi: Xikatsa, Phatima, Pfunekani na Magoda, zwienda zwa tshikolo.
Vho-Albert Khosa vho livhuwa vhadzudzanyi vha mushumo uyu na mapholisa vhe vha nea vhagudiswa ngeletshedza vha tshe vhaṱuku nau nea vhagudiswa vha shayaho zwienda.