Tshiṱori nga: Silas Nduvheni. Ṱhalutshedzo nga: Khathutshelo Raliphaswa.
Dzi nndwa dza vhuhosi na vhukoma dzo no swika kha luṱa lu shushaho nga murahu ha u vhulawa ha Vhakoma Vho-David Netshamutavha vhe vha rwelwa tari sa Vhakoma kha kusi kwa Malamangwa-Tshamutavha nga Mugivhela wo fhiraho.
Vho-Netshamutavha vha minwaha ya fuiṋa-rathi vho wanala vho lovha lufherani lwavho, tsini na vhengele ḽavho lakhole khole Gondeni-Sterkstroom, nga masiari a Musumbuluwo wa ḽa rathi Fulwi.
Mapholisaa a Ṱhohoyanḓou vho khwaṱhisedza u vulwa ha mulandu wa bulayo hone vha khou ṱoḓana na vhahumbulelwa vhane avha ḓivhei zwa zwino. "Vho-Netshamutavha vho wanala na mafuvhalo au thuntswa khanani, fasiṱere ḽa lufhera lwavho ḽo vulwa, fhedzi husina gulu lufherani ulo," hu amba muambeli mufareli wa mapholisa a Vhembe, Sedzheni Vho-Vuledzani Dathi. Zwa zwino ahuna muthu ono farwaho nga bulayo iḽi.
Vho-Netshamutavha vhovha vha khouḓi lugisela u pfulutshela kusini kwa Tshamutavha uri vhavhe Vhakoma fhasi ha Vhamusanda Vho-Mmbangiseni Malamangwa. Tshiwo itshi tsho shusha vhadzulapo, hone vhadzulapo vha aḓi vhudzisa uri Vhakoma vhatevhelaho hu ḓovha nnyi.
Muambeli wa muṱa, Vho-Pono Netshamutavha, vhari muṱa wo vhaisa vhukuma nga tshiwo itshi. Vhari hovha hu bembela hone munwe na munwe atshi sumbedza u takala ngau rwelwa tari ha Vho-Netshamutavha uvha Vhakoma, fhedzi upfa nga tshiwo itshi zwo ḓisa vhuṱungu kha vhamuta. Vho-Pono vhari mavhari-vhari au lwela tshidulo tsha vhukoma hanga thudzelwi kule khau ṱumanywa na tshiwo itshi. Vha muṱa vhari vha ḓo shuma zwavhuḓi na mapholisa uri vhapondi vha vhonane na tshanḓa tsha mulayo.
Vhamusanda Vho-Mmbengiseni Nemalamangwa, vhari vho vhaisala nga tshiwo itshi. Vhari vho nanga Vho-Netshamutavha uvha Vhakoma kha kusi kwa Tshamutavha, fhedzi zwe zwa itea vhovha vha songo zwi lavhelela. "Vho-David vhovha vha khou fanela u tevhedza maga a munnaavhane Vho-William Netshamutavha, khotsi avho, vhe vhavha Vhakoma lwa minwaha," vha amba.
Vho-David Netshamutavha vha ḓo vhulungwa Gondeni-Sterkstroom nga Mugivhela, wa ḽa fumi Fulwi, ubva nga awara ya vhurathi.