Tshiṱori nga Kaizer Nengovhela. Ṱhalutshedzo nga Khathutshelo Raliphaswa.
Mbulungo ye ya farelwa Elim, Mpheni Hamakhakhi yo shanduka ya vha tshiwo tshi vhaisaho vhukuma musi vhalidzi vha fumi-rathi vha tshi fanela u gidimiselwa vhuongeloni ha Elim nga murahu hau humbulelwa zwauri zwiḽiwa zwe vha ḽa zwovha zwi songo lugela mitakalo yavho. Hu tendiwa uri vho nwa nyamunaithi yo rengwaho kha vhengele ḽa tsini ḽa tsini ḽine ḽa nga vha ḽo tshikafhadzwa.
Muṱa wa ha Rakvo vho vhulunga mutukana wavho wa miṅwaha miraru mavhiḓani a henefho nga Ḽavhuvhili, ḽa 4 Ṱhafamuhwe. Mbulungo yo vha yo dzudzanywa nga Munakisi Funeral and Tombstone. Nga tshifhinga tsha mbulungo, vhalidzi vho vha vha tshi fhiwa dzi nyamunaithi, maḓi, na zwinwe zwa u ṅwa henefho. Nga u ṱavhanya nga murahu ha musi tshumelo ya mbulungo yo no thoma, vhaṅwe vho gungula nga ha u remiwa nga ṱhoho vhukuma na u pfavhutungu ha thumbuni.
Muambeli wa muta Vho Mpho Rakvo vho khwathisedza uri vhathu vha fumi-rathi vho iswa sibadela tsha Elim u itela u wana dzilafho, nahone vhararu vho ḓou valelwa vhuongeloni.
Muṅwe wa miraḓo ya muṱa yo kwameaho o amba uri o vha na vhuṱungu ha thumbu nga u ṱavhanya nga murahu ha u nwa nyamunaithi. O ṱalusa vhuṱungu vhune ha sa konḓelele. O ri: "Ri kha ḓi vhilaela samusi ri sa ḓivhi zwavhuḓi zwe zwa itea." "Ndo vha ndi tshi humbula uri ndi ngasi tshile nga murahu ha vhuṱungu uhu. Ndi khou kundelwa u pfesesa uri ndi ngani zwenezwi zwo itea, fhedzi muṅwe muthu u ḓo tea u zwi ṱalutshedza khwine. Naho ro wana dzilafho, ri kha ḓi tambula vhutungu."
O amba nga ha u ṱavhanya u zwi tandulula. "Ro vhiga mafhungo kha vhaṱoli vha mutakalo vhapo, vhe vha dzhia tsumbo dza zwe ra nwa. Ri ḓo lindela phindulo khavho na u vhu dzhia u bva henefho," vha amba.
Mulanguli wa muhasho wa mutakalo wa Tshiṱiriki tsha Vhembe, Vho Michael Mukwevho, vha ri vho dalela muṱa na muṋe wa mbulungo nga murahu ha musi tshiwo itshi tsho vhigwa. Zwe zwa dzhiiwa zwi tshe zwo iswa dzi laboratory uri zwi ṱoliwe.
Vho Mukwevho vhari mune wa bindu ḽa zwa mbulungo ya mbulungo o vha vhudza uri o renga zwinwiwa kha vhengele ḽa vhuponi ha hayani Hamashau Thenga. Muṋe wa vhengele o vha a tshi vhudziswa nahone a ṋetshedza zwifanyiso zwa vidio zwine zwa sumbedza uri zwinwiwa izwo zwovha zwi tshe zwo putelwa kha mabambiri azwo musi dzi tshi rengiswa.
Vhambulunhano vha Munakisi na mulanguli wa Tombstone Vho-Trency Mufamadi vho humbela pfarelo kha muta. O khwaṱhisedza uri vho renga cooldrink kha vhengele ḽa spaza ḽa henefho.
O ri: "Musi ri tshi ḓivhadzwa uri vhalidzi vha khou pfa vha tshi khou lwala, ro vha isa Vhuongeloni ha Elim." "Nga murahu ha zwenezwo, vhathu vha rathi vho gungula nga u ḓipfa vha sa khou ḓipfa zwavhuḓi, nahone ra vha rumela kha dokotela nga u ḓidina hashu."
Vho Mukwevho vho engedza nga uri nga murahu ha zwoiteaho, vho founela khotsi a ṅwana uri vha ḓivhe uri ho itea mini nahone vha ri vha kha ḓi dzudzanya u dalela vha muṱa husi kale.