Story by Silas Nduvheni & translation by Raliphaswa Khathutshelo
Maḓana a vhathu vha Ha-Masia vhovha na guvhangano mudavhini nga mugivhela, 4 Ṱhafamuhwe, hu tshi khou ḓadziwa mativha a Vyeboom A Tshirunzanani. Vhamusanda Vho-Edzani Masia.
Vyeboom A ndi tshipiḓa tsha muvhundu wa Ha-Masia, tshine tsha vha fhasi ha khoro ya Masia. Thovhele Vho-Nthumeni Masia, vhe vha rangaphanḓa mushumo uyu, vhari kusi ku sina murangaphanḓa a ungo kuna hone u vheiwa ha Vhamusanda Vho-Masia zwi sumbedza uri vhadzulapo zwino vha na murangaphanḓa wa uvha vhusa. "Vha tea u ṱhonifha vhathu vhavho, vhapfumi na vhashai, hone vha songo dzhia sia musi vha tshi haṱula nyimele yo ḓisiwaho khavho. Vha ḓo rangaphanḓa vhathu vho fhambanaho na vhane mitakalo yavho ivha nea mitsiko. Vha tea u fara vhathu u lingana," hu amba Thovhele Vho-Masia.
Murangaphanḓa muswa vhari ngauri zwino vho vheiwa uvha Vhamusanda, vha ḓo thoma u nea thandululo kha dzi thaidzo dza kusi kwavho. "Ri khou ṱoḓa u phulusa vhaswa zwiṱaraṱani na uvha ṱuṱuwedza uri vhavhe na dzangalela kha mitambo ya dzi tshakatshaka u fana na bola ya milenzhe na nethibola. Ri takalela uri vhathu vhanzhi vha khou vhuyeliwa kha mishumo ya zwa vhulimi yo thomiwaho u nea vhaswa zwikili zwo teaho kha vhulimi," mazwiwa a Vhamusanda Vho-Masia.
Hovha na u pembela hau fhambana nga dakalo fula sa izwi hu ḓuvha ḽa u ḓadziwa ha mativha. Vhamusanda Vho-Masia vho tevhela khotsiavho vhevha dzama nga 2021, Vhamusanda Mboswobeni Masia. U swika zwino, kha kusi uku hovha huna vharangaphanḓa vhau imela. Vhamusanda Vho-Masia vho fulufhedzisa u shuma vhukuma nau khwinifhadza dzi tshumelo, u fana na uri vhathu vha wane maḓi o kunaho nau khwinifhadza bada.