Tshiṱori nga: Maanda Bele. Ṱhalutshedzo nga :Khathutshelo Raliphaswa
Muṱa wa ha Chaela na vha ha Ramudidibi vho vhaisala nga murahu hau kumbiwa nga maḓi ha vhana vhavho vha tshi khou bambela mulamboni wa Nzhelele kha kusi kwa Tshiṱuni tsha fhasi Ha-Malima.
Uya nga ṱhama ya tsini na vha muṱa, vhatukana avha vhavhili vha minwaha ya fumi nthihi na fumi mbili vhane vha vha Vhonani Chaela na Pfariso Ramudidibi vha bvaho Nzhelele Dzanani Musanda, vho bva hayani nga matsheloni a mugivhela wa ḽa fumbili mbili Lambamai na vho mme avho vha tshiya kha tshimima ngei Tshituni Ha-Malima. Sa izwi tshimima hovha lwa ḓuvha lithihi, vhabebi vha vhana vho vhona uri ndi khwine vha tou awela Tshiṱuni. Nga masiari a Sondaha, vhana vha minwaha ya vhukati ha fumi nthihi na fumi ina vho mbo shavha afho muḓini vha ya u bambela mulamboni.
Uya nga mutukana wa minwaha ya fumiina we avha a navho, uri vho tamba kule na mulambo sa izwi vho vhona uri ho tsa, fhedzi Vhonani na Pfariso vho dzhena he vha fhedza vha tshi lwa na maḓi sa izwi ovha a khouvha kunda, mutukana uyu a tshi vha vhona o humbula uri ṱhanwe vha khou ita miḓai nae fhedzi nga murahu ha tshifhinga a vhona vha khou kundelwa, a lingedza u vha thusa fhedzi zwe vhutoto ndi afho a tshi ya u ṱoḓa tsini.
Vhau thusa vho wana tshitumu tsha muthuhi wa vhatukana avho tshi tshi papamala maḓini, mapholisa a zwa maḓi vho lingedza u toḓa tshinwe tshitumbu u vhuya ḓuvha ḽi tshi kovhela. Tshitumbu tsho wanwa nga madekwana a ḓuvha iḽo.
Vho Khomishina pfareli vha vunḓu vha mapholisa a Limpopo, Vho-Major-General Jan Scheepers, vho khwaṱhisedza tshiwo itshi. "Vhadzulapo vho kona u thusa u wana tshitumbu tsha muthihi wa avho vhatukana, hone nga murahu hau wana thusa ya mapholisa, vho kona u wana tshinwe tshitumbu. Thoḓisiso dzi khou bvela phanḓa uri vha wane tshivhangi tsha tshiwo itshi. Vhabebi na vhaṱhogomeli vha vhana vho eletshedzwa uri vha ṱhogomele vhana hone vhana vha iledzwe u bambela hu sina vhathu vha uvha ṱhogomela tsini," vha amba.
Vhamusanda vha Dzanani Vho-Sydney Khathutshelo Mamuha, vhari tshiwo itshi ndi masinḓa mbilu. Vhari vhabebi vha vhana vhavhe na vhusedzi kha vhana tsini na milambo. "Vha ṱhogomele vhana vhatshi tshimbila navho, zwihulu kha kusi kune avhango ku ḓowela. Nyimele iyi ndi i konḓaho fhedzi ri khou lingedza u thusa nga hune ra kona. Vhathu vho ṱanganedzwa u thusa miṱa yo welwaho kha mbulungo," hu zwa Vho-Mamuha.