Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Ḽovha ḓuvha ḽi vhilaedzisaho nga Lavhuṱanu ḽa fumbilirathi Shundunthule, vhanameli vha bisi dza City to City vha tshi twa ḓuvha loṱhe vho sinyuwa ngei mavhengele tserekano a Elim. Izwi ndi nga murahu ha khuḓano yeya itea vhukati ha vha vhuendi ha kule na tsini vha Hlanganani na vha mabisi a City to City ya vha thivhela u swika vunḓuni ḽa Gauteng. Vha tshiimiswa tsha dzi thekhisi vhari vha mabisi a City to City vha khou pfukha milayo yo vhetshelwaho zwiendedzi.
Nga Lavhuṱanu ḽeneḽo, vha tshiimiswa tsha dzi thekhisi vhovha na mugwalabo wo fhumulaho, huna vhalindi vha tsireledzo vha swikaho fuṱhanu vha Passenger Rail Agency ya Afrika Tshipembe (Prasa), fhedzi vhanameli vho kundelwa u fara nyendo dzavho ḓuvha iḽo.
Dzi khamphani dza dzi thekhisi vho vhiga dzi mbilaelo dzavho dza u kundelwa u wana vhanameli sa izwi mabisi atshi shuma nga vhunzhi, mbilaelo idzi dzo kombetshedza vha tshiimiswa tsha dzi thekhisi, vha khoro ya Njakanjaka, vha Prasa na mapholisa uri vha fare muṱangano we ha vheiwa maga na milayo ya zwiendedzi. Munwe wa milayo iyo hovha uri hu tea u tshimbila mabisi mavhili fhedzi a khamphani ubva kha mavhengele tserekano ḓuvha linwe na linwe ubva nga hafu ya awara ya vhumalo.
Vho-Abel Khosa, muraḓo wa tshiimiswa tsha dzi thekhisi Elim, vhari vho thivhela mabisi a City to City u tshimbila ngauri avha khou tevhedza milayo yo vheiwaho, vha khou tshimbidza mabisi a fhiraho mavhili. "Vha Prasa vha khou konḓisa; nga ḓuvha la muṱagano vho tenda uri vha ḓo tevhedza milayo yo vhewaho. Ro lingedza u amba navho, fhedzi ro kundelwa uvha shandukisa muhumbulo," vha amba.
"Ndo fanela u dzula ḓuvha loṱhe Elim, sa izwi ndovha ndo no renga thikhithi," hu amba Vho-Thabo Makhuvele, munwe wa vhanameli vhe vha kundelwa u ṱuwa. Vhari vho tea u lova mushumoni nga khuḓano iyi.
Mudzulatshidulo wa khoro, Vho-Vicky Muvhali, vho khwaṱhisedza uri tshumisana nau tikedzana kha milayo miswa ndi zwa ndeme. "Ro dzudzanya muṱanganyo wa ḽa ṱahe Fulwi, ri fulufhela uri ri ḓo wana thandululo kha vhuthada vhune rakhou ṱangana naho," vha amba.
Muambeli wa Prasa, Vho-Andiswa Makanda, vhari vha Prasa a vhanga bvi mulomo zwa zwino kha nyimele iyi, vha khou tevhedza maga a mulayo. "Ri ḓo ṋea zwidodombedzwa ro novha na vhuṱanzi ha nyimele. Ri vhea tsireledzo ya vhashumi vhashu, thundu na vhanameli phanḓa," vha amba.
Zwiendedzi zwa City to City zwo bvela phanḓa nau namedza vhanameli nga mugivhela wa ḽa fumbilisumbe Shundunthule, Mugivhela.