Tshiṱori nga Kaizer Nengovhela. Ṱhalutshedzo nga Khathutshelo Raliphaswa.
Vhanameli vha bisi yaGM Phadziri vho ponya lufu nga Lavhuṋa ḽa vhege yo fhiraho (24 Tshimedzi) musi bisi iyo u tshi nanga mulilo. Bisi iyo yovha i nḓilani yau vhuya u bva doroboni (Louis Trichardt) hone i tshi khou tou bva u tsitsa vhaṅwe vha vhanameli fhaḽa Hamagau. Ndi hafho he ya thoma u duga nga wone mulilo.
Vhaṅwe vha vhanameli ndi vhe vha bva afho kha bisi vhasongo huvhala ngeno vhaṅwe vho bva vho tou huvhala zwiṱuku hone vho bva nga mafasiṱere a bisi nga hone u shavha mulilo. Mureili wa bisi navho vho ḓou bva nga tshihaḓu vha tshi shavha mulilo uyo.
Ṱhanzi ye ya zwi vhona nga maṱo vho ima hune mabisi a tsitsa nau namedza vhathu vho amba zwauri vho tou vhona nga vhutsi vhu tshi khou bva kha mathaila a phanḓa a bisi iyo zwenezwo bisi i tshi khou tshimbila. "Ro vhona unga phanḓa ndi dzi biriki dza bisi, fhedzi ra kundelwa u vhudza mureili sa izwi vhovha vha tshi khou reila. Vhori vhatshi swika kule nyana ndi heravha ri hone, ra vhona vhutsi vhu tshi bva kha bisi," vha amba.
Muṅwe wa vhanameli, Vho Matthews Motau, vho amba zwauri: "Rovha ri tshi khou tou dzhena Hamagau, ri ḓou pfa muungo muhulu, wa tevhelwa nga vhutsila vhutswu ngomu ha bisi." Vho amba zwauri ho ḓou thoma u ṱanganana sa izwi muṅwe na muṅwe ovha atshi khou lingedza u shavha, mashudu mavhuya ahuna muthu na muthihi we a bva o huvhala.
Vho Motau vho amba zwauri vha zwi dzima mulilo vho ḓou swika afho he tshiwo tsha itea hone, fhedzi mulilo uyo une wovha wo no phaḓalala, wo ḓou duga na bisi loṱhe. " Athiathu u ṱangana na hezwi zwithu vhutshiloni hanga. Ndi tshe ndo shushea, fhedzi ri livhuwa mudzimu ngau phuluswa matshilo ashu na mureili wa bisi," vha engedza
Muambeli wa khamphani ya GM Phadziri, Vho Left Mabirimisa, vho ṱahisa u rulea havho ngau vhona zwauri ahuna muthu o huvhalaho kha tshiwo itshi. Vho amba zwauri vha humbulela uri hungavha hovha na khaedu ya dzi dzi thambo.