Tshiṱori nga; Kaizer Nengovhela. Ṱhalutshedzo nga: Khathutshelo Raliphaswa.
Vhaongi na vhathu vhane vha ya kiḽiniki ya Kutama u wana tshumelo dza zwa mutakalo vha na dzi mbilaelo zwi tshi tevhela nyimelo dza kiḽiniki iyo, dza u ṱahelelwa nga maḓi lwa minwedzi. Vhaongi vhari vha tou ḓa na maḓi avho u bva mahayani hone a u shela mabungani vha tou ka nga mabakete uri vha konou shela vha tshi fhedza u shumisa mabunga. Mbilaelo dzine vhaongi vha khou engedza kha dza u ṱahelelwa nga maḓi ndi u vhilaedzwa nga mitakalo ya vhaongiwa na nḓila ine nyimelo idzi dza vha kwama ngayo.
Munwe wa avhaongi e a hana u bulwa dzina, vha tshi amba na vha nyanḓadza mafhungo ya Limpopo Mirror vhari zwo no swika minwedzi mina kiḽiniki isina maḓi. "Ri vho balelwa na u ṱanzwa zwishie musi vha tshi bva u bebiwa hune vhanwe vha songo ṱanzwa naluthihi. Ri dovha ra vhilaedzwa nga ha u balelwa u langa u ṱaha ha malwedze kha nyimelo dzo raliho sa izwi hu sina zwiinzhi zwine ra nga ita. Na rine ria a balelwa u shuma zwavhuḓi nga yone ṱhahelelo ya maḓi, naho hu uri hu na migodi mivhili ya maḓi. Nyimelo iyi i dovha hafhu ya engedza zwikhala zwa u ṱaha ha malwadze. Nyimelo heyi iri kwama roṱhe sa izwi i tshi konḓela roṱhe," vha amba.
Muongi avho vhari vhuongelo vhu wana maḓi kha masipala wa tshiṱiriki tsha Vhembe. Hone ndisedzo iyo i touvha tshipiḓa tshiṱuku ri tshi vhambedza na maḓi ane a shumiswa kiḽiniki ḓuvha ḽinwe na ḽinwe.
Vho Thilivhali Muavha, muambeli wa muhasho wa mutakalo wapo, vhari naho vha tshi vhilaedzwa nga nyimelo iyo, nḓisedzo ya maḓi kha kiḽiniki ai weli kha mahaḓa ashu. "Ri a vhilaela nga u ṱahelelwa ya maḓi, fhedzi arina maanḓa a u zwi tandulula. Masipala wa tshiṱiriki tsha Vhembe vha isa tshumelo ya maḓi mivhunduni," vha amba. "Ri khou shumisana na masipala uri ri kone uvha na maḓi o linganaho musi vha khaḓi lingedza u tandulula nyimelo ya maḓi," vha engedza.
Munwe wa vhaongiwa kiḽiniki iyo, Vho Samuel Mukhada, vhari naho vha tshi pfesesa nyimelo, vhaongi vha fanela u lingedza u vhea maḓi ane vhaongiwa vha ḓo a shumisa. "Naho vha kha nyimelo iyi ya u ṱahelelwa nga maḓi, vha fanela u lingedza u wana maḓi ane ra ḓo a shumisa mabungani," vha amba.
Vha na mbilaelo uri na kiḽiniki i na mugodi muthihi wa mabunga, hure na minango mivhili ya vhanna na vhafumakadzi. "Vhaongi na vhaongiwa vha shumisa bunga ḽithihi. Vhathu vha fanela u ṱamba zwanḓa zwavho lunzhi, hone ṱhahelelo ya maḓi i engedza mbilaelo kha vhaongiwa," vha amba.