Tshiṱori nga Victor Mukwevho. Ṱhalutshedzo nga Khathutshelo Raliphaswa.
Nḓowetshumo ya dzi thekhisi ndi ine aitsha tshimbidzwa nga vhanna u fhira vhafumakadzi khau reila dzi bisi ṱhukhu. Vhafumakadzi ndi vhane vha khou rathela kha sekhithara iyi, hune vha shumisa tshumelo dzi fanaho na Bolt hune vha endedza vhanameli vha tshi shumisa goloi dzavho ṱhukhu.
U fhira u shumisa zwiendedzi zwo ḓoweleaho u fana na dzi thekhisi kana ma bisi, tshumelo dza e-hailing ndi dzine dza shumisa app ine vhathu vha shumisa kha dzi ṱhingokhwalwa dzavho. Vhanameli zwa zwino vha nga kona u vhona mureili ane avha tsini, vha isa khumbelo ya tshumelo ndi hune vha ḓa vha dzhiiwa vha isiwa hune vha khou ṱoḓa u isiwa hone. Mbadelo dza tshumelo idzo ndi dzine bvisiwa afho kha epe, vhanameli vha badela nga karaṱa dza bannga, avha tendelwi u shumisa masheleni nga tshanḓa.,
Ro amba na vhafumakadzi vhavhili vhane vha reila u mona na Ṱhohoyanḓou nga ha uri ndi ngani vho nanga iyi sekhithara kana buḓo ḽau reila zwiendedzi, hone haa avhapfi vha tshi ofha ngauri ho novha na maitele a zwinamelo kana arali vha tshi ṱangana na vhuleme zwi tshi ḓa kha vhanameli
Tshinakaho Madilonga wa minwaha ya fumbili-ṱhanu a bvaho Makwarela Extension 3 ovha mureili wa Bolt minwaha miraru yo fhiraho musi a tshi khou kundelwa u wana mushumo wa khwine uri a kone uḓi unḓa. " Tshifhinga tshau dzula hayani muthu husina zwine a khou ita lindela masheleni ubva kha mufarisi wawe tsho fhira ndi kale. Vhutshilo vhua ḓura musalauno, hone sa vhafumakadzi ri fanela u ita zwiṅwe miṱani yashu uri ri thuse vhafarisi vhashu. Zwithu zwi khou konḓa hafha nnḓa, fhedzi ri fanela u lwela kha zwoṱhe zwine zwa konḓa nau fhisa u itela uri ri kone u unḓa miṱa yashu," vha amba.
Zworalo u itela uri avhe o tsireledzea mushumoni wawe, tshumelo dzoṱhe dzi vala nga awara ya vhurathi madekwana ḓuvha ḽiṅwe na ḽiṅwe.
Gundo Ludere (31) a bvaho Tshikhudini ndi ane a ima na zwine Tshinakaho a amba, hune ari uvha na vhusedzi ndi zwa vhuṱhogwa khauri muthu asi ḓi wane e kha nyimele dzine dzavha khombo.
"Zwiṅwe zwifhinga muthu ua dzheniwa nga nyofho musi a tshi khou endedza vhathu vha vhanna fhedzi. Zwa zwino athi tsha dzhia kana u name dza vhathu vhane vho ṅwesa zwikambi sa izwi vha tshi ita zwau semana na nḓila yoṱhe, fhedzi ahuna tshine tsha ḓo nthivhela khau shumela muṱa wanga," a amba.
Naho vhesina mufarisi hone vha mme a ṅwana muthihi, Vho Ludere vha unḓa nau tikedza miṅwe miraḓo ya muṱa. "Ndi ṱuṱuwedza vhaṅwe vhafumakadzi uri vha takutshedze huvhe na zwine vha ḓi itela vhone vhane. Ri songo ḓi tika nga vhaṅwe vhathu kha uḓi unḓa hashu," vha engedza.