Tshiṱori nga Kaizer Nengovhela. Ṱhalutshedzo nga Khathutshelo Raliphaswa.
Vhadzulapo vha vhupo ha Madombidzha zwa zwino vha na vhengele ḽavho ḽa Shoprite, zwi tshi tevhela u vulwa ha mavhengele tserekano vhege yo fhiraho.
Vhengele iḽo ndi he ḽa dzhia tshipiḓa tshi linganaho 245m², hune havha na dzi khethekanyo dzire na tshivhalo nga ngomu dzine havha na khethekanyo ya zwiḽiwa zwine zwa bveledzwa ngomu vhengeleni, hu tshi katelwa na hune ha rengisiwa dzi nama, zwiḽiwa zwa u fhisa nauzwa urothola, bekhara, na hune ha rengisiwa mitshelo na miroho.
Kha vhengele iḽo hu ḓivha na afho hune vhathu vha rumela nau ṱanganedza masheleni khathihi nau badela dzi tshumelo u fana na mbadelo dza masipala dzi airtime, na u renga muḓagasi. Vha dovha hafhu vha kona u renga thikhithi dza bisi, thikhithi dza vhuṱambo uya ngau fhambana, u ṅwalisela dzi ndi nda khombo.
Mulanguli wa vhengele iḽo ndi Mulalo Molife, ane a bva kha vhupo ha Vuwani hone ovha tshipiḓa tsha vhengele iḽi nga nwaha wa gidimbili-ṱahe sa muthu wau paka zwibveledzwa vhengeleni.
"Ro takala vhukuma u ṱanganedza vharengi vhashu. Tshivhalo tsha vhathu vhe vha swika nga ḓuvha ḽau thoma ḽau vula zwo ri sumbedza uri ndi kale vha vhovha vho lindela vhengele iḽi ḽi vule kha vhupo havho ha Madombidzha," hu amba Molife.
Vhanwe vha vhalanguli vhahulwane hu katelwa Vho Veronica Dikgare (Mulaguli wa phanḓa wa ndaulo), Vho Tebogo Monyepao (Mulanguli wa murahu), Vho Lucia Mafokwane (mulanguli wa thengiso), na Vho Titus Lambani (mulanguli wa zwiḽiwa zwe zwa bveledzwa vhengeleni). Vhengele iḽi zwa zwino ndi ḽine ḽo no thola vhathu vha paḓaho fuina-sumbe.