Tshiṱori nga: Silas Nduvheni. Ṱhalutshedzo nga: Khathusthelo Raliphaswa.
Ubva nga ṅwaha wa 1981 gudedzi iḽi ḽi kha ḓi vhidzwa Finyazwanda Technical College, ho no bvelela vhathu vhanzhi vhukuma, kha avho, vhararu vhovha kha vhuṱambo uhu. Vho eletshedza vhagudiswa vha zwino uri vha dzhiele zwikili zwavho nṱha hone vha zwi shumise zwavhuḓi.
Vho ramabindu Vho-Aubrey Mulaudzi vha Aubs Motors and Diesel Centre ire kusini kwa Tshisaulu, Vho-Goerge Netshilindi vha Gregory Auto Centre ḓoroboni ya Ṱhohoyandou na Vho-Sydney Kharivhe vha SK New Look na Brukedo lodge kusini kwa Tshisaulu, vho kovha u bvelela havho he vhahu swikelela nga pfunzo dze vha wana gudedzini ḽa Vhembe TVET nga ḓuvha iḽi.
Vho-Mulaudzi vhari naho vhathu vhova vha tshi humbula unga uya kholedzhi hovha hu zwa vhagudi vhane a vhango ṱhaphudza pfunza dza murole wa vhu fumbili zwavhuḓi, vhone vha takalela uri vho kona u bvelela sa makhanikhe sa izwi vho gudela uvha makhanikhe wa dizili. "Ndovha na dzangalelo kha zwa muḓagasi, nga murahu hau guda Finyazwanda Technical, ndoya nda shuma lwa tshifhinga tshipfufhi nda vha makhanikhe wa vhukoni nga 1986 vunḓuni ḽa Gauteng he nda wana tshenzhemo nda thoma bindu ḽanga nga 1993," vha ralo.
Bindu ḽa Vho-Mulaudzi ḽo aluwa lune vha na vhashumi vha fhiraho fumalo na vhane vha khou guda kha bindu ḽavho lwa tshifhinga tshipfufhi. Vha aḓi hudza nga uvha munwe wa vhathu vhe vha guda zwikili kha gudedzi ḽa Vhembe TVET.
"Sa izwi ikonomi ya shango ḽashu i songo ima zwavhuḓi, ndi tama uri vhaswa vha shumise zwikili zwine vha guda u i bvusuludza nau khwinifhadza matshila a vhathu," vha ralo.
Vho ramabindu avha vha fhululedza Vhembe TVET kha u fhedza minwaha ya furathi yau bveledza miḽoro ya vhanzhi.