Tshiṱori nga Thembi Siaga. Ṱhalutshedzo nga Khathutshelo Raliphaswa.
Mugudisi wa kale na mudzulatshidulo wa kale wa Kiḽaba ya Bola ya Milenzhe ya Orlando Vho Donald Daniel Dhliwayo, vhane vha ḓivhiwa nga lufuno sa "DD", vho lovha vhe na miṅwaha ya 98.
Dhliwayo, vhovha vha tshi bva Nancefield Musina, vho lovha nga ḽa 1 Lambambai Vhuongeloni ha Milpark ngei Johannesburg nga murahu ha u fhedza vhege dza rathi vhe kha ṱhogomelo khulwane nga vhulwadze ha Pneumonia.
Vho guda u funza kha gudedzi ḽa Lemana College nahone vha bvela phanḓa na u shuma miṅwaha i fhiraho ya 40 ya vhutshilo havho kha zwa pfunzo. Vho vhumba vhumatshelo ha zwigidi zwa vhagudi vha Soweto, he vha funza na u ṋea nyeletshedzo nga vhuḓikumedzeli ho dzikaho na u pfela vhuṱungu. Vha ḓivhelwa u fhira kha u vhidzwa ha mushumo, DD kanzhi vho vha vha tshi badela pfunzo ya vhagudiswa u bva tshikwamani tshavho.
Lufuno lwavho lwa pfunzo lwo vha lwo ḓisendeka kha nḓila y vha aluswa ngayo nga u ḓiṱukufhadza. Vho vha vhe murwa wa mushumi wa mugodini na mme vha sa koni u vhala na u ṅwala vhe vhavha vha tshi rengisa magwinya u itela u ḓi unḓa. Muhumbulo wa nndwa dzavho wo vha ṱuṱuwedza na munnaavhane Vho Dokotela Thamsanqa Kambule u thoma Tshikwama tsha Bursary mafheloni a minwaha ya 1960, tsho livhiswaho kha u thusa matshudeni u isa phanḓa ngudo dzavho.
Murwa wavho, Kutlwano Dhliwayo, o vha ṱalusa sa mufhaṱi wa tshitshavha we ṱhuṱhuwedzo yavho ya fhira kule vhukuma kilasini na luvhanḓeni lwa bola ya milenzhe. "Vhovha vha tshi ḽa zwiḽiwa zwi re na mutakalo fhedzi vhutshilo havho hoṱhe, nahone avho ngo vhuya vha nwa halwa kana u daha fola. Vho xelelwa nga khotsi avho vha tshee muṱuku nahone vho vha vha tshi fanela u ḓitika nga mme avho. Vho vha vha tshi khou tambula vhukuma, naho vho vha vha tshi khou lwa na pfunzo dzavho, fhedzi naho vho vha vha tshi khou ita khaedu, vho vha vha tshi takuwa nṱha havho nahone vha kona u ya tshikoloni. Ri ḓo vha humbula sa mushumeli wa vhukuma wa vhathu," vha ralo.
Vho Dhlwayo vho vha vha tshi ambara zwiambaro zwinzhi vhutshiloni havho hoṱhe. Naho u shela mulenzhe havho kha pfunzo zwo vha zwi zwa ndeme, vho dovha vha ita luswayo lwavho kha bola ya milenzhe. Sa mudzulatshidulo wa Orlando Pirates FC, vho ita mushumo wa ndeme kha u shandukisa tshigwada tsha vha tshiṅwe tsha thimu dza bola ya milenzhe dzo bvelelaho vhukuma kha dzhango.
Vho Dhliyoyo vha vhulungiwa nga Lavhutanu, dzi 9 Lambamai ngei Nasrec Memorial Park.