Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Khothe khulwane ya Thohoyandou, yo dzulaho khothe ya madzhisiṱiraṱa ya Waterval, yo gwevha muhwelelwa kha mulandu wa mabulayo a vhathu vhanzhi Vho Enoch Ndou (56) u dzula dzhele lwa vhutshilo hoṱhe nga Ḽavhuṱanu (14 Ṱhafamuhwe). Tshigwevho tsha vhutshilo tshi ḓo gidima nga tshifhinga tshithihi na miṅwaha yo engedzwaho ya 90 yo vhewaho nga ṅwambo wa mabulayo a vhaṅwe vhapondwa vha rathi.
Vho Ndou vho farwa nga murahu ha tshiwo tsha duvha la khushumusi nga 2021 he vha thuntsha vha vhulaha mirado ya sumbe ya muta wavho ngei Jimmy Jones, nnḓa nyana ha Hamalamulele. U vhulawa ho vha hu tshi khou bveledzwa nga khanedzano nga ha ifa ḽa nnḓu yo siwaho nga khotsi avho vho no fhiraho fhano shangoni.
Kha tsengo yoṱhe, Vho Ndou vho vha vho ambara zwiambaro zwe vhavha vho ambara musi vha tshi farwa nga mapholisa. Avhongo ngo ṱanziela.
Sa zwe muhatuli Vho Thogomelani Tshidada vha disa khaṱulo, vho Ndou vho lingedza u thithisa matshimbidzele. Naho zwo ralo, zwenezwi a zwo ngo thivhela muhaṱuli.
Kha zwezwa netshedzwa nga ha u ṋea tshigwevho, Muhaṱuli Tshidada vho dzhiela nṱha uri Vho Ndou vho sumbedza u sa ḓisola na uri khombo yo vha i tshi nga iledzwa, arali vho vha vha tshi ṱoḓa u shumiswa nga nḓila ya mulayo nṱhani hazwo. Vho engedza nga uri Vho Ndou avha athu vhuya vha lingedza u humbela pfarelo kha muṱa wa vhapondwa.
Vho Ndou vho gwevhiwa nga ndila i tevhelaho:
• U dzula dzhele lwa vhutshilo ha u vhulaha Mpho Donald Ndou (33).
• U dzula dzhele ha ṅwaha muṅwe na muṅwe wa mabulayo a Ndivhuwo Douglas Ndou (33), Portia Mabasa (37), Rendani Winnus Ndou (12), Wanga Ndou (1), Ronewa Ndou (4), na Dakalo Makondo Ndou (8), we a lovha e nḓilani ya u ya vhuongeloni.
U gwevhiwa ho vha hu si na ma vhonwa. Vho Ndou vho mbo di rwa kha tafula vha vhidzelela vha ri, "Ndi nnyi ane a si vhe tshisiwana?" ngeno vha tshi dovha vha sasaladza vhuhaṱuli ha Afrika Tshipembe.
Muṱa wa vhapondwa wo sumbedza u dinalea, vha ri tshigwevho tsho vha tshi songo eḓana kha muthu we a vhulaha vhathu vhanzhi nga u rali.
Mafhungo a u gwevhiwa ha Ndou o phaḓalala nga u ṱavhanya kha nyanḓadzamafhungo ya matshilisano, na vhagudiswa vha kale vha gudedzi ḽa Yunivesithi ya Venda vha tshi humbula vhuḓifari havho mathomoni a minwaha ya dzi 2000. Vhaṅwe vho amba uri vho tou zwi limuwa uri ndi vhone nga murahu ha musi khaṱhulo yo no ḓivhadzwa.
"Ri sola nga maanḓa vhe vha vha ṋea thendelao ya u vha na tshigidi. Vho Ndou vho vha a tshi dzula vhe vhoṱhe vha tshi ita zwithu zwi mangadzaho. Vhovha vha tshi ita na u ṋewa madzina a u ḓihudza sa 'Vho Bommbo Yowa', vha tshi khou amba nga ha baisigira ye vhovha vha tshi i shumisa. A thi humbuli uri ho itwa ṱhoḓisiso yo fhelelaho musi vha sa athu ḓivhadzwa uri vho tea u hwala tshigidi," hu amba muṅwe mugudiswa wa kale.