Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.
Nga murahu ha minwaha minzhi yau shuma na uḓi nekedzela khau thusa vhadzulapo na vhalimi vha kusi kwavho, Vho-Fulufhelo Orbet Singo, vho huliswa nga vhadzulapo na vhalimi vha Tshiombo Irrigation Scheme, tshire fhasi ha tshumelo ya Maṱangari. Mushumo uyo wo farelwa kerekeni ya Living Rock Church of Christ, ho katelwa nau pembelela ḓuvha ḽavho ḽa mabebo vha tshi pembela minwaha i swikaho fuṱhanu malo.
U bva nga ṅwaha wa fumiṱahe fumalo-malo, Vho-Singo vho shuma na vhalima nga uḓi nekedzela hone na mveledziso kha vhalimi na mabindu a vhalimi a aluwa nga thuso yavho kha vhupo uhu.
Munwe wa vhalimi, Vho-Margareth Tsiku, vhari zwovha zwo fanela uri vha livhuwe Vho-Singo nga kha mushumo une vha itela vhalimi vha kusi kwavho."Ari faneli u khoḓa muthu o nori sia shangoni. Ri fhano u hulisa Vho-Singo, vhane vha dzulela u ri thusa nga zwifhinga zwine ra vha ṱhoga sa vhalimi. Vha ari thusa u ṱangana na vhanwe vhalimi vhane ra fhaṱa vhushaka na mabindu navho. Nga thuso na uḓi nekedzela ha Vho-Singo ria kona u shumisa zwishumiswa na mishonga kha vhulimi hashu. Zwa zwino vhunzhi ha vhalimi vha kusi kwashu rina dzi ṱhanziela dza vhulimi," vha amba.
Mushumisani wa Vho-Singo, Vho-Prudence Nenweli, vhe vhavha ṱanganedza nga ṅwaha wa gidimbili fumiṱhanu, vhari Vho-Singo vha touvha murangaphanḓa ane vhashumisani vhavho vhaa kona uvha swikelea khau ṱoḓa thuso.
Munwe wa vhaambi kha ḓuvha ilo, Khosi Vho-Tovhowani Mathoho vha Tshiombo, nnḓa ha Ṱhohoyanḓou, vhari vho ḓivha Vho-Singo vha tshi tou swika kha kusi uko vha tshi bva magudedzini. "Vho-Singo vho ḓisa tshanduko kha kusi kwashu. U swika havho fhano, matshilo na mabindu a vhalimi a khou aluwa, vha khou kona u bveledza zwiliwa na kha zwisi zwa tsini. Ri na mashudu uvha na Vho-Singo, hone vha fanelwa nga u huliswa nga ḓuvha lavho la mabebo," vha zwa.
Vho-Mathoho vha engedza uri vhushaka vhukati ha Vho-Singo na vhalimi vhu fanela u dzulela uvha havhuḓi uri halimi vha bveledze zwiliwa zwi linganaho kha vhadzulapo na vunḓu ngau angaredza.