Tshitori nga: Elmon Tshukhudo. Ṱhalutshedzo nga: Khathutshelo Raliphaswa.
Nga murahu ha minwaha i paḓaho furathirathi, lidzhakanḓila kha nḓowetshumo ya muzika dokotela Vho-Irene Mawela vho nangwa kha pfufho dza lushaka dzi newaho madzhakandila kha zwino na zwila. Vho-Mawela vha wela kha vhaṱuku vhane vha ḓo pfufhiwa pfufho idzi ubva kha ofisi ya vhuphuresidennde ha Africa Tshipembe kha vhuṱambo vhune ha ḓo farwa nga Lavhutanu, fumbili malo Lambamai.
Pfufho idzi ndi dzone khulwane dzine dza pfufhiwa vhadzulapo na vhabvannḓa vhane vho shela mulenzhe kha nndwa ya dimokirasi nau khwinifhadza matshilo a vhadzulapo vha Afrika Tshipembe. Muphuresidennde wa Afrika Tshipembe Vho-Cyril Ramaphosa ndi vhone vhane vha ḓo nea khuliso idzi kha vho nangwaho kha masia o fhambanaho.
"Ipfi lavho li dzikusa vhupfiwa ha vhanzhi fhano hayani na u mona na shango," hu amba Vho-Phindile Baleni, mulangi wa nnḓu ya vhuphuresidennde. Dokotela Vho-Mawela vha do pfufhiwa kha ya Ikhamanga kha Bronze nga nḓila ine vha shela ngayo mulenzhe nga vhutsila havho.
Munnaavhane vhe vhavha vha mubveledzi Vho-Rupert Bopape ndi vhone vhe vha thoma u vhona Vho-Irene Matodzi Mawela vha tshi khou mvumvusa vhathu kha mutshato nga nwaha wa fuṱahe fumiṱhanu-sumbe (1957) ngei Moroka, Soweto. Vho no ḓi wana vha khou anḓadza muzika na Mahottela Queens na Dark City Sisters na vhanzwe vhanzhi. Vhutsila havho ndi vhune ha mvumvusa vhatevheli vhavho hoṱhe-hoṱhe hune vha ya lwa minwaha iyi yavho vha kha nḓowetshumo ya muzika.
Vha tshi vhudziswa uri vha ḓipfa hani nga tshiphuga itshi vhari vhovha vha sa kholwi uri vha nga pfufhiwa tshiphuga itshi vhutshiloni havho. "Ndono pfufhiwa zwiphuga zwinzhi ubva kha madzangono o fhambana na muhasho wa vhutshila na mvelele, fhedzi u pfufhiwa oda heyi ndi yone pfufho ine ya bva phanḓa kha dzoṱhe. U pfufhiwa nga muphuresidennde vhone vhane zwi amba zwihulu kha nne nauri mushumo wanga kha zwa vhutshila ndi vhune ha vhonwa nga vhanzhi. Sa izwi ri tshi shumisa muzika u kovhela vhathu gosipele, rovha risa humbuli uri vhathu vha maimo a nṱha vha a dzhiela nṱha mushumo washu. Ndo takala vhukumo hone ndi balelwa nau ṱanganedza tshiphuga itshi nda ṱuwa natsho. Ndi livhuwa muvhuso, zwihulu muphuresidennde nga khuliso iyi," vha amba.